Киану Ривз ва Вайнона Райдер бир-бирини 30 йилдан бери билишади. Улар кўплаб фильмларда бирга рол ўйнашган, асосан, севишганлар ролини ижро этишган. Улар экранда ошиқ-маъшуқ бўлишларига қарамай, ҳаётда Ривз ва Райдер фақат қийин дамларда бир-бирини қўллаб-қувватловчи дўст бўлиб қолади.
Вайнона улар учрашган кунни ҳали ҳам батафсил эслайди
Вайнона Райдер ва Киану Ривз кўп йиллардан бери дўст. Бироқ улар «Дракула» фильми суратга олинишидан анча олдин учрашганликларини ҳамма ҳам билмайди. Вайнона Ривзнинг ашаддий мухлиси эди, лекин у билан биринчи марта 1980 йилларда Independent Spirit мукофотлаш маросимида танишган. Вайнонадан ғолибни эълон қилиш учун саҳнага ким билан чиқишни хоҳлаётгани ҳақида сўралганда, у иккиланмасдан: «Киану Ривз билан», деб жавоб беради.
Уларни умумий қизиқишлар ва машҳурликка бўлган қарашлар бирлаштиради
Вайнона ва Kiaну умумий қизиқишларга эга, масалан, мотоцикл каби. Бундан ташқари, уларнинг умумий дўстлари бор. Эҳтимол, иккисининг яхши дўст бўлишларига яна бир сабаб уларнинг камтарлигидир. Улар ўз ҳаётларини кўз-кўз қилишни ва диққат марказида бўлишни хоҳлашмайди.
Ривз шахсий ҳаёт у учун жуда муҳим эканини очиқчасига айтади. Райдер эса шундай дейди: «Машҳурнинг ҳаётидаги энг даҳшатли нарса шундаки, одамлар тўсатдан пайдо бўлиб, сизга тегиниши мумкин. Бу қўрқинчли, лекин улар буни оддий нарса деб ўйлашади, худди умумий мулк каби».
Улар Вайнона туфайли «Дракула»да ўйнаш имкониятига эга бўлади
Вайнона Райдер режиссёр Френсис Форд Коппола томонидан суратга олинган «Чўқинтирган ота 3» криминал драмасида суратга тушиши керак эди, бироқ соғлиғи билан боғлиқ муаммолар туфайли лойиҳада қатнашолмайди. Бу актрисани жуда хафа қилади, чунки у трилогиянинг мухлиси эди. Аммо бу қайғули воқеа Райдер ва Ривз ўртасидаги дўстликнинг муҳим босқичига айланади.
Кунларнинг бирида Вайнона телефильмга айлантирилиши режалаштирилган «Дракула» сценарийси ҳақида эшитади. У янги ҳамкорликни муҳокама қилиш учун Коппола билан учрашувга боради ва сценарий ҳақида гапиради. Режиссёр ушбу фильмни суратга олишга қарор қилади.
Фильмнинг суратга олиш жараёнида Вайнона қийналади, аммо Kiaну уни қўллаб-қувватлайди
Райдер ўша пайтда Жонни Депп билан учрашиб юрган. У ҳам, режиссёр ҳам Вайнона қаҳрамонининг севгилиси Жонатан Харкер ролини Депп ўйнашини кутишган. Аммо студия фильмда машҳурроқ актёр иштирок этиши керак деган қарорга келиб, уларнинг танловини рад этади. Кейин бу рол Киану Ривзга ўтади. Вайнона бундан хафа бўлмайди, аксинча Коппола актриса орзу қилган актёрлар таркибини йиғишга муваффақ бўлганини таъкидлайди.
Гарчи бу ролни ижо этиш унга осон бўлмаган бўлса-да, Вайнона Kiaну билан ўша фильмда бирга ишлаганини яхши эслайди. Бир куни Райдер Дракула фильмини суратга олиш пайтида тутган кундалигини топиб олади. Кундаликда Ривз ҳақида шундай ёзганди: «Ҳасрат, ҳасрат, ҳасрат, ҳасрат. Kiaнуга раҳмат. Яхшиямки, яқинда Kiaнуни кўраман».
Kiaну ва Вайнона бошқа фильмларда ҳам бирга ўйнаган
Бир неча йил ўтгач, Ривз ва Райдер суратга олиш майдончасида яна учрашишади. «Лойқаланиш» фильмида улар яна ошиқларни ўйнашди.
«Пиппа Лининг шахсий ҳаёти» фильмини суратга олиш пайтида актёрлар овлоқ жойда қолишади, натижада Вайнона ижарага машина ололмайди. Шунинг учун у дўсти Kiaнудан уни қаҳвахонага олиб бориши учун ёрдам сўрайди.
Мухлислар улар учрашишни бошлашларини орзу қиладилар
Бир неча йил олдин интернетда Киану Ривз ва Вайнона Райдер турмуш қуришганлиги ҳақида маълумот тарқалди. Бундан ташқари, маълум бўлишича, Вайнона Kiaнуга тез-тез «Салом, эргинам» деган SMS хабарлар юборади. Гап шундаки, «Дракула»ни суратга олиш пайтида жуфтлик ҳақиқий руҳоний иштирокида тўй маросимини ўтказишади. Эҳтимол, актёрлар ҳақиқатан ҳам турмуш қургандирлар, лекин қонуний эмас.
Бундан норози бўлган Reddit фойдаланувчиларидан бири шундай деб ёзади: «Нега улар учрашишни бошламайдилар? Улар биргаликда жуда ёқимли кўринади». Аммо актёрлар фақатгина дўст. Шу билан бирга, Вайнона ҳам, Kiaну ҳам бошқа одам билан муносабатда.
Мухлисларни масхара қилгандек, Ривз ва Райдер яна ошиқлар ролини ўйнашди
2018 йилда улар иштирокида «Бўйдоқларни қандай уйлантириш керак» деб номланган романтик фильм экранларга чиқди. Дастлаб Вайнона ролга тасдиқланади. У ўзига мос шериксиз фильм муваффақиятли бўлмаслигини тушунади. Ва бу ролга биринчи номзод Kiaну эди. У шундай дейди: «Мен фильмни усиз тасаввур қила олмадим». Вайнона сценарийни Ривзга юборади, у ҳам таклифни қабул қилади.
Kiaну ушбу фильмда эр-хотин ролини ўйнай олишларига ишончини қуйидагича изоҳлайди: «Биз бирга вақт ўтказишдан завқланамиз, бир-биримизга ишларимиз ёқади. Бизда ишонч ва ўзаро тушуниш бор».
Kiaну ва Вайнона бу ҳис-туйғуларни экранда ҳам етказишга муваффақ бўлишди. Кўплаб томошабинлар фильмни мақтаб, актёрлар ўртасидаги «ҳиссиёт»ни яна бир бор таъкидлашди.
Мавзуга доир:
- Ҳар қандай вазиятда ҳам ҳамкасбларини қўллаб-қувватлайдиган таниқли актёр ва актрисалар (фото)
- Фильмларда ҳақиқий ошиқлардек кўринса-да, аммо реал ҳаётда дўст бўлиб қолишга қарор қилган Голливуд юлдузлари
- Уйсиз Ривз, тишини синдирган Питт, хом жигар еган Ди Каприо — фильмдаги образига ўхшаш учун ҳар нарсага тайёр актёр ва актрисалар (фото)
Изоҳ (0)