Kianu Rivz va Vaynona Rayder bir-birini 30 yildan beri bilishadi. Ular ko‘plab filmlarda birga rol o‘ynashgan, asosan, sevishganlar rolini ijro etishgan. Ular ekranda oshiq-ma’shuq bo‘lishlariga qaramay, hayotda Rivz va Rayder faqat qiyin damlarda bir-birini qo‘llab-quvvatlovchi do‘st bo‘lib qoladi.
Vaynona ular uchrashgan kunni hali ham batafsil eslaydi
Vaynona Rayder va Kianu Rivz ko‘p yillardan beri do‘st. Biroq ular “Drakula” filmi suratga olinishidan ancha oldin uchrashganliklarini hamma ham bilmaydi. Vaynona Rivzning ashaddiy muxlisi edi, lekin u bilan birinchi marta 1980-yillarda Independent Spirit mukofotlash marosimida tanishgan. Vaynonadan g‘olibni e’lon qilish uchun sahnaga kim bilan chiqishni xohlayotgani haqida so‘ralganda, u ikkilanmasdan: “Kianu Rivz bilan”, deb javob beradi.
Ularni umumiy qiziqishlar va mashhurlikka bo‘lgan qarashlar birlashtiradi
Vaynona va Kianu umumiy qiziqishlarga ega, masalan, mototsikl kabi. Bundan tashqari, ularning umumiy do‘stlari bor. Ehtimol, ikkisining yaxshi do‘st bo‘lishlariga yana bir sabab ularning kamtarligidir. Ular o‘z hayotlarini ko‘z-ko‘z qilishni va diqqat markazida bo‘lishni xohlashmaydi.
Rivz shaxsiy hayot u uchun juda muhim ekanini ochiqchasiga aytadi. Rayder esa shunday deydi: “Mashhurning hayotidagi eng dahshatli narsa shundaki, odamlar to‘satdan paydo bo‘lib, sizga teginishi mumkin. Bu qo‘rqinchli, lekin ular buni oddiy narsa deb o‘ylashadi, xuddi umumiy mulk kabi”.
Ular Vaynona tufayli “Drakula”da o‘ynash imkoniyatiga ega bo‘ladi
Vaynona Rayder rejissor Frensis Ford Koppola tomonidan suratga olingan “Cho‘qintirgan ota 3” kriminal dramasida suratga tushishi kerak edi, biroq sog‘lig‘i bilan bog‘liq muammolar tufayli loyihada qatnasholmaydi. Bu aktrisani juda xafa qiladi, chunki u trilogiyaning muxlisi edi. Ammo bu qayg‘uli voqea Rayder va Rivz o‘rtasidagi do‘stlikning muhim bosqichiga aylanadi.
Kunlarning birida Vaynona telefilmga aylantirilishi rejalashtirilgan “Drakula” ssenariysi haqida eshitadi. U yangi hamkorlikni muhokama qilish uchun Koppola bilan uchrashuvga boradi va ssenariy haqida gapiradi. Rejissor ushbu filmni suratga olishga qaror qiladi.
Filmning suratga olish jarayonida Vaynona qiynaladi, ammo Kianu uni qo‘llab-quvvatlaydi
Rayder o‘sha paytda Jonni Depp bilan uchrashib yurgan. U ham, rejissor ham Vaynona qahramonining sevgilisi Jonatan Xarker rolini Depp o‘ynashini kutishgan. Ammo studiya filmda mashhurroq aktyor ishtirok etishi kerak degan qarorga kelib, ularning tanlovini rad etadi. Keyin bu rol Kianu Rivzga o‘tadi. Vaynona bundan xafa bo‘lmaydi, aksincha Koppola aktrisa orzu qilgan aktyorlar tarkibini yig‘ishga muvaffaq bo‘lganini ta’kidlaydi.
Garchi bu rolni ijo etish unga oson bo‘lmagan bo‘lsa-da, Vaynona Kianu bilan o‘sha filmda birga ishlaganini yaxshi eslaydi. Bir kuni Rayder Drakula filmini suratga olish paytida tutgan kundaligini topib oladi. Kundalikda Rivz haqida shunday yozgandi: “Hasrat, hasrat, hasrat, hasrat. Kianuga rahmat. Yaxshiyamki, yaqinda Kianuni ko‘raman”.
Kianu va Vaynona boshqa filmlarda ham birga o‘ynagan
Bir necha yil o‘tgach, Rivz va Rayder suratga olish maydonchasida yana uchrashishadi. “Loyqalanish” filmida ular yana oshiqlarni o‘ynashdi.
“Pippa Lining shaxsiy hayoti” filmini suratga olish paytida aktyorlar ovloq joyda qolishadi, natijada Vaynona ijaraga mashina ololmaydi. Shuning uchun u do‘sti Kianudan uni qahvaxonaga olib borishi uchun yordam so‘raydi.
Muxlislar ular uchrashishni boshlashlarini orzu qiladilar
Bir necha yil oldin internetda Kianu Rivz va Vaynona Rayder turmush qurishganligi haqida ma’lumot tarqaldi. Bundan tashqari, ma’lum bo‘lishicha, Vaynona Kianuga tez-tez “Salom, erginam” degan SMS xabarlar yuboradi. Gap shundaki, “Drakula”ni suratga olish paytida juftlik haqiqiy ruhoniy ishtirokida to‘y marosimini o‘tkazishadi. Ehtimol, aktyorlar haqiqatan ham turmush qurgandirlar, lekin qonuniy emas.
Bundan norozi bo‘lgan Reddit foydalanuvchilaridan biri shunday deb yozadi: “Nega ular uchrashishni boshlamaydilar? Ular birgalikda juda yoqimli ko‘rinadi”. Ammo aktyorlar faqatgina do‘st. Shu bilan birga, Vaynona ham, Kianu ham boshqa odam bilan munosabatda.
Muxlislarni masxara qilgandek, Rivz va Rayder yana oshiqlar rolini o‘ynashdi
2018-yilda ular ishtirokida “Bo‘ydoqlarni qanday uylantirish kerak” deb nomlangan romantik film ekranlarga chiqdi. Dastlab Vaynona rolga tasdiqlanadi. U o‘ziga mos sheriksiz film muvaffaqiyatli bo‘lmasligini tushunadi. Va bu rolga birinchi nomzod Kianu edi. U shunday deydi: “Men filmni usiz tasavvur qila olmadim”. Vaynona ssenariyni Rivzga yuboradi, u ham taklifni qabul qiladi.
Kianu ushbu filmda er-xotin rolini o‘ynay olishlariga ishonchini quyidagicha izohlaydi: “Biz birga vaqt o‘tkazishdan zavqlanamiz, bir-birimizga ishlarimiz yoqadi. Bizda ishonch va o‘zaro tushunish bor”.
Kianu va Vaynona bu his-tuyg‘ularni ekranda ham yetkazishga muvaffaq bo‘lishdi. Ko‘plab tomoshabinlar filmni maqtab, aktyorlar o‘rtasidagi “hissiyot”ni yana bir bor ta’kidlashdi.
Mavzuga doir:
- Har qanday vaziyatda ham hamkasblarini qo‘llab-quvvatlaydigan taniqli aktyor va aktrisalar (foto)
- Filmlarda haqiqiy oshiqlardek ko‘rinsa-da, ammo real hayotda do‘st bo‘lib qolishga qaror qilgan Gollivud yulduzlari
- Uysiz Rivz, tishini sindirgan Pitt, xom jigar yegan Di Kaprio — filmdagi obraziga o‘xshash uchun har narsaga tayyor aktyor va aktrisalar (foto)
Izoh (0)