Кинотавсия: ташвишларни бир четга суриб, ҳаётдан завқланишга чорлайдиган фильмлар (видео)

Инсон вақти-вақти билан завқланиб туришни билиши керак. Турли манбалардан янгиликларни ўқиш бунинг ечими эмас. Барча саломатлиги ҳақида ўзи ўйлаши муҳим, айниқса руҳий жиҳатдан. Ташвишлардан бироз тин олиб, нафас олишга ёрдам берадиган ҳаётий фильмлар мавжуд. Улар тинчлик, дўстлик, севги, орзулар ва ижодкорлик ҳақида ҳикоя қилади. The Voice Mag нашри уларнинг бир нечтасини санаб ўтди.

«Иш ўрганувчи» — 2015 йил

Чегаралар фақат хаёлда бўлишини тасвирловчи гўзал ҳикоя. 70 ёшли бева қолган Бен Уитакер (Роберт Де Ниро) нафақага чиқишни ўзи учун эмас, деган қарорга келади ва Жюл Остин (Энн Хетеуэй) томонидан бошқариладиган онлайн дўконда иш ўрганувчига айланади.

«Бензоколонка маликаси» — 1963 йил

Балет билан шуғулланишни орзу қилган мафтункор қиз Людмила ёқилғи қуйиш шохобчасига келади ва у ерда ишлайди. Одамлар, орзулар ва чексиз оптимизм ҳақидаги ҳаётий комедия.

«Эрин Брокович» — 2000 йил

Бу инсон ҳуқуқлари фаоли Эрин Броковичнинг ҳаётига асосланган биографик фильмдир. Унинг ҳикояси жуда оддий бошланади: уч фарзанднинг онаси (икки марта ажрашган ва олий маълумотсиз) иш топишга уринишларида муваффақиятсизликка учрайди. Бироқ табиий қизиқиш юзлаб одамларнинг ҳаётини сақлаб қолишига олиб келади.

«Эйс Вентура: Уй ҳайвонлари детективи» — 1994 йил

Қизиқарли детектив комедия ҳайвонларга муҳаббат ҳақида. Дам олиш учун энг яхши танлов. Фильмда кўплаб кичик дўстлар ва ўзининг ҳазил-мутойиба, мимика ва пластикаси билан танилган Жим Керрини кўриш мумкин.

«Кумуш конкилар» — 2020 йил

Таърифларга кўра, XIX аср романтик давр ҳисобланади. Бу ҳикоя бутунлай турли хил синфларга мансуб икки ёшнинг кутилмаганда учрашиши ҳақида. Йигит чироқчининг ўғли, унинг ягона бойлиги отасидан мерос қолган кумуш конки; қиз эса у илм-фанни орзу қиладиган буюк зотнинг қизи. Улар биргаликда орзулари сари ҳаракат қилишга қарор қилади.

«Шрек» — 2001 йил

Мультфильмлар фақат болалар учун, деб ким айтди? «Шрек» болалар ва катталар учун бир хил даражада қизиқарли бўлган мультфильмдир. Ғайриоддий сюжет, ажойиб ҳазил ва жозибали персонажлар — ташвишларни унутиш учун ажойиб картина.

«Буюк шоумен» — 2017 йил

Агар мюзиклларни яхши кўрсангиз, унда бу фильм сизга маъқул келиши аниқ. Қолаверса, Хью Жекман, Зак Эфрон ва Зендая ва бошқа маҳоратли актёрлар иштирокидаги реал ҳаётга асосланган фильм.

«1+1» — 2011 йил

Барчаси раҳм-шафқат, ҳаётга бўлган иштиёқ, ҳақиқий дўстлик, оилавий ришталар ва муҳаббат ҳақида. Ҳақиқий воқеаларга асосланган ҳикоя сизни бефарқ қолдирмайди ва, албатта, яхшилик ҳар доим ғалаба қозониши ва турли хил фарқларга қарамай, одамлар бир-бирларини яхши кўришга мойил бўлиши намоён қилади.