Тошкент шаҳар, Шайхонтоҳур тумани, Беруний кўчасидаги қаҳвахона кимошди савдосига қўйилди. Лот маълумотлари «E-auksion» порталида эълон қилинган.
Лот аукционга иқтисодий судлар ҳукми билан Шайхонтоҳур туман МИБ томонидан жойлаштирилган. Қаҳвахонанинг барча қисмлари хатланган.
Бинонинг умумий майдони 878 квадрат метрни ташкил қилади. 2000 йилда қурилган 2 қаватли қаҳвахона 20 та хонадон иборат.
Бинода газ, сув, электр таъминоти ва канализация тизими мавжуд. Унинг ҳудудида «Чироқчи жиз« кафеси ҳам жойлашган.
Аукционга қўйилган қаҳвахонанинг бошланғич баҳоси — 6,48 млрд сўм. Аризалар 19 декабрь 09:00 га қадар қабул қилинади. Савдолар худди шу куни 10:00 да бошланади.
Аввалроқ Kinder Fruits компаниясининг 100 фоиз давлат улуши аукционга қўйилгани ҳақида хабар берилганди.
Изоҳ (0)