АҚШнинг Tesla компанияси Хитойнинг Шанхай шаҳрида йиғилган 70 434 та Model S, Модель Х ва Модель 3 ҳамда 10 127 та Модель 3 электромобилларини қайтариб олади. Бу ҳақда Bloomberg хабар берди.
Қайтарилган Model S ва Модель Х электромобиллари батареяни бошқариш тизимидаги қувват йўқотилишига олиб келиши мумкин бўлган нуқсонни тузатиш учун дастурий таъминотни қайта кўриб чиқишни талаб қилади.
Модель 3 транспорт воситаларида нуқсонли хавфсизлик камарининг анкражлари алмаштирилади. Ўтган июнь ойида Tesla Хитой регулятори томонидан аниқланган хавфсизлик муаммоларини ҳал қилиш учун 285 мингта электр транспорт воситаларида дастурий таъминотни тузатиши керак эди.
Компаниянинг АҚШдан кейинги энг муҳим бозори Хитойда Tesla сотуви сентябр ойида рекорд даражадаги 83 135 донадан октябрь ойида 71 704 донагача пасайган.
Талабни ошириш ва маҳаллий рақобатчиларга қарши курашиш учун компания яқинда нархларни пасайтирди ва сотиб олинган электр транспорт воситаларини кутиш вақтини 22 ҳафтадан етти кунга қисқартирди.
Бунинг учун Tesla Шанхайдаги заводини янгилаб, қувватини икки баробарга ошириб, йилига қарийб 1 миллион электромобиль ишлаб чиқарди.
Аввалроқ Tesla орқа чироқлари билан боғлиқ муаммо туфайли 321 мингта автомобилини чақириб олиши ҳақида хабар берилганди.
Изоҳ (0)