Футбол бўйича ЖЧ—2022 2-туридан ўрин олган баҳсда Польша ва Саудия Арабистони 26 ноябрь, шанба куни ўзаро тўқнаш келди.
Учрашувнинг 39-дақиқасида Пётр Зелиньски Польшани ҳисобда олдинга олиб чиқди. Биринчи бўлим сўнгида саудияликлар ҳисобни тенглаштириши мумкин эди, бироқ Салим ад-Довсарининг пенальтидан йўллаган зарбасини дарвозабон бартараф этди.
Иккинчи бўлимни саудияликлар фаолроқ бошлади. Бироқ омад уларга кулиб боқмади. 82-дақиқада Роберт Левандовски ҳисобни ишончли кўринишга олиб келди.
Шу тариқа Польша 4 очко билан C гуруҳи етакчисига айланиб 0лди. Саудия Арабистони эса 3 очко билан 2-ўринда бормоқда.
C гуруҳининг иккинчи ўйинида Аргентина ва Мексика жамоалари баҳс олиб боради.
ЖЧ—2022
2-тур баҳси
26 ноябрь,шанба
Польша — Саудия Арабистони 2:0
Голлар: 1:0 – 39 Зелиньски, 2:0 — 82 Левандовски.Польша: Шенсни, Кеш, Глик, Кивер, Берешински, Зелиньски (Камински, 63), Франковски, Криховяк, Белик, Левандовски, Милик (Пентек, 71).
Саудия Арабистони: ал-Овайс, Абдулҳамид, ал-Булайҳи, ал-Амри, ал-Брейк (ал-Ғанам, 65), ад-Довсари, Канно, ал-Малки (ал-Алобуд, 85), ан-Нажи (ал-Абед, 46, Бабри, 90+5), ал-Брейкан, аш-Шеҳри (ад-Досари, 85).
Огоҳлантиришлар: Кивер (15), Кеш (16), Милик (19), ал-Малки (21), ал-Амри (45).
Изоҳ (0)