Argentina terma jamoasi hujumchisi Lionel Messi JCH—2022 2-turi doirasida Meksikaga qarshi kechgan bahsda (2:0) maydonga tushdi va gol urishga muvaffaq bo‘ldi.
Messi Jahon Chempionatlaridagi 21-o‘yinida ishtirok etdi. Bu borada Leo Diyego Maradonaning rekordini takrorladi. Hech qaysi futbolchi Argentina terma jamoasida mundiallarda 21 tadan ortiq o‘yin o‘tkazmagan.
Lionel mundiallardagi 8-golini urdi. Bu borada futbolchi Maradona va Krishtianu Ronalduga yetib oldi. Rekordchi Miroslav Kloze hisobida 16 ta gol bor.
Argentinaning qatorasiga 6 o‘yinidan beri gol urayotgan Messi terma jamoa safidagi umumiy gollari sonini 93 taga yetkazib oldi. Bu borada faqat Krishtianu Ronaldu (118 ta) va Ali Dayi (109 ta) undan oldinda.
Izoh (0)