Toshkentda o‘quvchilar futboldagi janjal sabab mushtlashib ketdi (video)

Ijtimoiy tarmoqlarda maktab o‘quvchilarining o‘zaro janjallashayotgani aks etgan video tarqaldi. Holat yuzasidan Toshkent shahri Ichki ishlar bosh boshqarmasi rasmiy munosabat bildirdi.

Aniqlanishicha, 24-noyabr kuni taxminan soat 16:50 da Mirobod tumani “Parvona” mahallasida 125-sonli umumiy o‘rta ta’lim maktabining 9 va 10-sinf o‘quvchilari futbol o‘ynayotgan vaqtida o‘zaro urishib ketgan. Ularning janjali shu atrofda bo‘lgan fuqarolar tomonidan to‘xtatilgan. Og‘ir tan jarohati olganlar yo‘q.

Hozirda mazkur holat yuzasidan Mirobod tumani IIO FMB tomonidan tergovga qadar tekshiruv o‘tkazilmoqda. Natijasi bo‘yicha qonuniy qaror qabul qilinishi ta’minlanadi.

Mavzuga doir:

• Toshkent viloyati IIBB “yigit talashib urishgani” aytilgan qizlar janjaliga izoh berdi
• Turin politexnika universitetining 18 yoshli talabasi urib o‘ldirilgani aks etgan video e’lon qilindi
• Namanganda bir guruh maktab o‘quvchilari mashhurlikka erishish uchun mushtlashdi (video)