Британия Мудофаа вазири Бен Уоллеснинг айтишича, Украина армияси қишда ҳужумни тўхтатмаслиги, балки давом эттириши зарур. Бу ҳақда The Daily Beast ёзмоқда.
Бен Уоллеснинг сўзларига кўра, бугунги кунда Украина армияси «тайёргарлик, қурол-яроғ ва жанговар ҳолат сифати бўйича устунликка эга».
«Россияликлар ҳозир бу борада УҚКга енгилмоқда. Улар руҳий тушкунликка тушиб қолган, ёмон тайёргарликдан ўтган ва яхши қуролланмаган. Шунинг учун мен Украина армиясини қишда ҳужумни пасайтирмасликка чақирдим» — деди Британия вазири.
Уоллеснинг айтишича, украиналик ҳарбийлар шу вақтга қадар 300 минг қишки жиҳозлар тўпламини олган.
«Уларга халқаро ҳамжамиятдан 300 минг қишки жанговар тўплам етказилган — бу қишда ҳар қандай ҳужум учун зарур талаб», — деди у.
Аввалроқ истеъфодаги америкалик генерал Бен Хожес қиш украиналикларга қараганда Россия қўшинлари учун оғирроқ келишини айтганди.
Изоҳ (0)