2022 йилнинг январь—октябрь ойларида Ўзбекистон 635,7 миллион долларга тенг бўлган 25 048 та енгил автомобиль импорт қилган. Бу ҳақда «Дарё»га Давлат статистика қўмитаси ҳисоботидан маълум бўлди.
Натижада 10 ойдан буён автомобиллар импорти ўтган йилнинг шу даврига нисбатан 3 896 тага ошган.
Шу билан бирга, октябрь ойида машина импорти ҳажми ўтган ойга нисбатан ошиб, 71,6 миллион долларга етган. Сентябрь ойида бу 52,5 миллион долларга, август ойида 50,7 миллион долларга, июлда эса 65 миллион долларга тенг эди.
Таққослаш учун, январда автомобиллар импорти 65,7 млн февралда 58,8 млн мартда 64,8 млн апрелда 91,1 млн майда 40,1 ва июнда 75,4 млн долларни ташкил қилган.
Йил бошидан бери Ўзбекистон автомобиль экспорти ҳажми 282,9 млн долларни ташкил этди.
Шундай қилиб, 9 ой якуни бўйича автомобиль импорти экспортдан 316,3 миллион доллар — 2,2 мартага ошган.
Шу тариқа Ўзбекистон автомобилларни сотишдан кўра кўпроқ сотиб олишда давом этмоқда.
Аввалроқ Ўзбекистонда 9 ойда қанча автомобиль давлат рўйхатдан ўтказилгани маълум бўлгани ҳақида хабар берилганди.
Изоҳ (1)
Агарда растаможкани бекор килса Бир дона хам машинасини узимизда хам сотаолмайди Растаможкани очилиши бу лекин орзу бизни халкимизга