Дунёнинг энг бой одами Илон Маскнинг 2022 йилдаги зарари 100 миллиард доллардан ошди. Бу ҳақда Bloomberg хабар бермоқда.
Маскнинг бу даражада кўп бойлик йўқотишига Tesla компанияси акциялари икки йил ичида энг паст даражага тушиб кетгани сабаб бўлган.
Bloomberg Billionaires Index маълумотларига кўра, Tesla асосчиси душанба, 21 ноябрь куни бойлиги 8,6 миллиард долларга қисқарганидан кейин ҳам 169,8 миллиард доллар бойлиги билан дунёдаги энг бой одам бўлиб турибди.
Маскнинг бойлиги бир йил олдин 340 миллиард долларгача кўпайган эди. 2022 йилнинг ўзида эса 100,5 миллиард доллар йўқотган.
Tesla АҚШдан ташқаридаги энг йирик бозори бўлган Хитойда кучаяётган COVID билан боғлиқ чекловлар билан курашмоқда.
Яқинда Техасънинг Остин шаҳрида жойлашган фирма 300 мингдан ортиқ автомобилни орқа чироқлари носозлиги сабабли чақириб олишини эълон қилди.
Душанба куни Нью-Йорк савдоларида Tesla акциялари 6,8 фоизга тушиб, 167,87 долларгача пасайди. Бу 2020 йил ноябридан бери энг паст кўрсаткичдир ва жорий йилда 52 фоизга пасайди.
51 ёшли Маск ўтган ой 44 миллиард долларга Twitter’ни сотиб олган эди. У ижтимоий тармоқни сотиб олгандан бери компания тахминан 60 фоиз ходимини йўқотди.
Изоҳ (0)