Канада яқин уч йил ичида 1,5 миллион муҳожирни жалб қилишни режалаштирмоқда. Бу ҳақда BBC News хабар берди.
Ноябрь ойи бошида Канада ҳукумати 2025 йилгача ҳар йили 500 мингга яқин муҳожирни жалб этиш режаларини эълон қилди.
Таъкидланишича, туғилишнинг пастлиги ва аҳолининг қариши Канадани иммиграцияга мурожаат қилишга мажбур қилмоқда.
Ҳукумат маълумотларига кўра, Канада ишчи кучининг ўсиши аллақачон иммиграция ҳисобига деярли 100 фоизни ташкил қилмоқда.
2032 йилга келиб, асосан, муҳожирлар аҳоли ўсишини таъминлайди, дейди расмийлар. Канада иммигрантларга яшаш учун рухсат беради, лекин фуқароликни эмас.
Канададаги муҳожирлар аллақачон аҳолининг деярли 25 фоизини ташкил қилади. Бу бошқа ривожланган мамлакатларга қараганда анча кўпроқ. Масалан АҚШ ва Буюк Британияда мазкур кўрсаткич 14 фоизни ташкил қилади.
Канадани бошқа Ғарб давлатларидан ажратиб турадиган жиҳати шундаки, муҳожирларнинг ярмидан кўпи ўз касбий маҳорати туфайли ушбу давлатга келган.
Изоҳ (0)