Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.
«Болалар» гуруҳининг собиқ хонандаси Тоҳир Содиқов дўстлари билан тушган суратини фолловерларига тақдим этди.
Актёр Азиз Раметов 24 ноябрь куни отаси Жумадулла Раметовнинг туғилган кунини яқинлари даврасида нишонлади. Маълумот учун, актёр Жумадулла Раметов 67 ёшни қарши олди.
Хонанда Рухшона саҳифасига онаси билан тушган суратини жойлаб, туғилган куни билан табриклади ва самимий тилакларини билдирди.
Хонанда Жаҳонгир Позилжонов ҳамкасби Жаноб Расулнинг уйига меҳмонга борди.
«Уммон» гуруҳининг собиқ хонандаси Шоҳрух тўйи кунида ҳамкасби, яқин дўсти марҳум хонанда Жасур Рафиқов билан тушган суратини саҳифасига жойлади.
Актёр Алишер Узоқов мухлислари уни кўчада кўриб қолгани акс этган видеони саҳифасига жойлади.
Хонанда Зиёда турмуш ўртоғи билан тушган суратини эълон қилди.
Хонанда Жасур Умиров уйланаётганини маълум қилди.
«Шароф аканинг ҳаракатларини ўзларидан бошқа ҳеч ким қила олмаса керак. Ҳаракат қилардим, лекин кулгилироқ чиқар эди. Шароф ака ўйнаса, ўша ўйинлар ёқади менга. Насиб бўлса, тўйимда Шароф акам билан ўйнаймиз. Тўй яқин, Худо хоҳласа», — дейди хонанда.
Актёр, телебошловчи Рихситилла Абдуллаев ҳаётий мулоҳазаларини мухлислари билан бўлишди.
«Ойбек ва Нигора» дуэти хонандаси Нигора турмуш ўртоғи ва фарзандлари билан Дубайда ҳордиқ чиқармоқда. Нигора саёҳат давомида тўнғич фарзанди касал бўлиб қолганини, шифокорга мурожаат қилганини айтди ва хавотир олган барча мухлисларига миннатдорлик билдирди.
Актёр Жаҳонгир Хўжаев обуначиларига инсоннинг бошига кулфат тушганида фақат ота-онаси олдида бўлиши ҳақида гапириб берди.
Хонанда Севара Назархон барча мухлисларига яхши кайфият ҳамроҳ бўлишини тилади.
Инстаблогер, актриса Феруза Норматова Макка шаҳрида тушган суратини мухлисларига намойиш қилди.
Шунингдек, Феруза Норматова Умра сафари билан боғлиқ маълумотларни ва хотираларини мухлислари билан бўлишди.
Феруза Норматова мухлисларига ҳеч қачон маҳзун бўлмасликни, Аллоҳ ҳар доим қалбларда бўлишини айтди.
Хонанда Муниса Ризаева болалигида тушган архив суратини мухлисларига намойиш қилди.
Раққоса Паризода янги рақсини мухлисларига тақдим этди.
Актриса Машҳура Зулфиқорова бахт ҳар доим хоҳлаган ишни қилиш эмас, ҳар доим қилаётган ишни қилишда экани ҳақида фикр билдирди.
Айни пайтда Туркияда оғир дард билан курашаётган актриса Раъно Шодиеванинг қизи Рахшона Маҳмудова қиз фарзандни дунёга келтирди.
«Афандининг қизлари» кулги жамоаси аъзоси Муборак Абдуллаева гуруҳ фаолияти якунланганини, 3 йил давомида жамоадошлари Нигина Ражабова ва Нигора Абдуллахонова билан яхши хотиралар қолгани ҳақида мухлисларига гапириб берди.
Мавзуга доир:
- Instagram: Умрадан қайтган санъаткорлар, Юлдуз Усмоновадан янги қўшиқ, Паризодадан рақс дарси.
- Instagram: Liil Xurramov неча ёшда? Дилноза Кубаевага Миллий театр жамоасининг сюрпризи, Ҳалима Ибрагимованинг блогерларга муносабати.
- Instagram: Достонбек Эргашевга тўн кийдирган Dili.me, туғилган кунини нишонлаган ва саёҳатдаги машҳурлар.
- Instagram: 50 минг долларлик машина харид қилган хонанда, Tesla’сини уриб олган Холиқжон вайнер, саёҳатдаги машҳурлар.
Изоҳ (0)