Буюк Британия собиқ бош вазири Борис Жонсонга Киевнинг фахрий фуқароси унвони берилди. Бу ҳақда шаҳар мери Виталий Кличко ўзининг Telegram’даги саҳифасида маълум қилди.
«Киев шаҳар кенгаши Украинанинг буюк дўсти Борис Жонсонга Киевнинг фахрий фуқароси унвонини бериш тўғрисидаги қарорни маъқуллади», — дея изоҳ қолдирди мер. Кличко Буюк Британиянинг собиқ бош вазири Киевга тинчлик даврида ҳам, урушнинг «энг кескин даврида» ҳам бир неча бор келганини қайд этди.
«Жонсон шундай қилди. У Британия ҳамда жаҳон етакчилари Украинага зарур ёрдам кўрсатиши учун қўлидан келган ҳамма нарсани қилишда давом этишига ишонаман», — дея қўшимча қилди мер.
У сиёсатчига кўрсатган ёрдами учун миннатдорлик билдирди ва уни Украина пойтахтига навбатдаги ташрифга ҳамда Киевнинг фахрий фуқаролигини топширишга таклиф қилди.
Маълумот ўрнида, Борис Жонсон биринчи марта Киевга апрель ойида келган. У Россиянинг кенг кўламли босқинидан кейин Украинага келган G7 давлатларининг биринчи раҳбари бўлади.
Изоҳ (0)