Европарламент 24 ноябрь куни резолюция қабул қилиб, унда Беларусь президенти Александр Лукашенко режими Украинага қарши урушда Россия билан бир хил жавобгар экани келтириб ўтилди.
Беларусь бўйича қабул қилинган резолюцияда мамлакатдаги 1400 нафардан ортиқ сиёсий маҳбусга нисбатан асоссиз ва сиёсий сабабларга кўра чиқарилган ҳукм кескин қораланган. Европа парламенти Лукашенко режимининг Россиянинг Украинага қарши урушидаги иштирокини кескин танқид остига олган.
Резолюцияда Лукашенко режими Украинадаги ҳарбий жиноятлар учун Россия билан бирга жавобгарлиги, шу учун халқаро трибунал ва халқаро жиноий суд олдида жавоб бериши кераклиги қайд этилади.
Европарламент депутатлари ЕИ давлатлари ва Еврокомиссияни Беларусга ҳам Россияга қарши санкцияларни қўллашга чақирди.
23 ноябрь куни Европарламент Россияни «терроризм ҳомийси» деб эълон қилиш тўғрисидаги резолюцияга овоз берди. Унда Россияга санкцияларни кечиб ўтишда ёрдам берадиган давлатларга ҳам чора кўрилиши таъкидланган.
Изоҳ (0)