Ўзбекистонда ҳалигача мажбурий меҳнат ҳолатлари учрамоқда. Бу ҳақда Сенат раиси Танзила Норбоева Кари Тапиоланинг «Пахта далаларида ишончнинг мустаҳкамланиши: Халқаро меҳнат ташкилотининг Ўзбекистондаги фаолияти» номли монографияси тақдимотида айтиб ўтди.
Сенат ахборот хизматининг хабарига кўра, 22 ноябрь куни Тошкент шаҳрида Халқаро меҳнат ташкилоти бош директорининг собиқ маслаҳатчиси Кари Тапиола қаламига мансуб китоб тақдимоти ўтказилган. Тадбирда Танзила Норбоева мамлакатда мажбурий меҳнатга қарши курашиш борасида эришилган натижалар ҳақида гапирган.
Бугун кенг халқаро ҳамжамият Ўзбекистоннинг болалар ва мажбурий меҳнатга барҳам бериш бўйича ўзига хос миллий тажрибаси кўплаб давлатлар учун намуна бўлиши кераклигини тасдиқламоқда. Шу билан бирга, белгиланган мақсадларга эришиш йўлида кўплаб ишлар амалга оширилмоқда.Маълум қилинишича, Кари Тапиола муаллифлигидаги монографияда Ўзбекистонда мажбурий меҳнатга қарши курашиш ва халқаро меҳнат ҳуқуқларига риоя этилишини мониторинг қилиш бўйича бажарилган ишлар ҳамда натижалар кенг ёритилган.Мажбурий меҳнатнинг айрим ҳолатларига ҳали ҳам дуч келяпмиз. Улар бошқа соҳаларда ҳам намоён бўлмоқда. Бу эса жойлардаги айрим раҳбарлар, иш берувчилар онгида ҳалигача сақланиб қолган маъмурий-буйруқбозлик усулларининг қолдиқлари эканлигининг далолати – булар биз аёвсиз курашаётган совет ўтмишининг қолдиқларидир. Бугунги кунда мамлакатимизда ўрта ва кичик бизнес жадал ривожланмоқда.
Янги иш ўринлари яратиш жараёни тўхтовсиз давом этмоқда ва биз уларни халқаро стандартларга тўлиқ жавоб беришини таъминлашимиз керак, – деган Сенат раҳбари.
Изоҳ (2)
Совет утмиши хакида гапирма хоин
Иш уринлари яратиш факат кагоздаку бутин кишлок ахолисининг 5фоизи ишлайди колганига иш йукку бу рахбарларни виждони кийналармикин Хар Сафар ёлгон гапирганда