O‘zbekistonda haligacha majburiy mehnat holatlari uchramoqda. Bu haqda Senat raisi Tanzila Norboyeva Kari Tapiolaning “Paxta dalalarida ishonchning mustahkamlanishi: Xalqaro mehnat tashkilotining O‘zbekistondagi faoliyati” nomli monografiyasi taqdimotida aytib o‘tdi.
Senat axborot xizmatining xabariga ko‘ra, 22-noyabr kuni Toshkent shahrida Xalqaro mehnat tashkiloti bosh direktorining sobiq maslahatchisi Kari Tapiola qalamiga mansub kitob taqdimoti o‘tkazilgan. Tadbirda Tanzila Norboyeva mamlakatda majburiy mehnatga qarshi kurashish borasida erishilgan natijalar haqida gapirgan.
Bugun keng xalqaro hamjamiyat O‘zbekistonning bolalar va majburiy mehnatga barham berish bo‘yicha o‘ziga xos milliy tajribasi ko‘plab davlatlar uchun namuna bo‘lishi kerakligini tasdiqlamoqda. Shu bilan birga, belgilangan maqsadlarga erishish yo‘lida ko‘plab ishlar amalga oshirilmoqda.Ma’lum qilinishicha, Kari Tapiola muallifligidagi monografiyada O‘zbekistonda majburiy mehnatga qarshi kurashish va xalqaro mehnat huquqlariga rioya etilishini monitoring qilish bo‘yicha bajarilgan ishlar hamda natijalar keng yoritilgan.Majburiy mehnatning ayrim holatlariga hali ham duch kelyapmiz. Ular boshqa sohalarda ham namoyon bo‘lmoqda. Bu esa joylardagi ayrim rahbarlar, ish beruvchilar ongida haligacha saqlanib qolgan ma’muriy-buyruqbozlik usullarining qoldiqlari ekanligining dalolati – bular biz ayovsiz kurashayotgan sovet o‘tmishining qoldiqlaridir. Bugungi kunda mamlakatimizda o‘rta va kichik biznes jadal rivojlanmoqda.
Yangi ish o‘rinlari yaratish jarayoni to‘xtovsiz davom etmoqda va biz ularni xalqaro standartlarga to‘liq javob berishini ta’minlashimiz kerak, – degan Senat rahbari.
Izoh (2)
Совет утмиши хакида гапирма хоин
Иш уринлари яратиш факат кагоздаку бутин кишлок ахолисининг 5фоизи ишлайди колганига иш йукку бу рахбарларни виждони кийналармикин Хар Сафар ёлгон гапирганда