Афғонистонда «Толибон»нинг Урузгондаги маҳаллий маданият ва ахборот департаменти раҳбари Зайнулла Фаруқий аёлларга SIM-карта сотиб олиш тақиқланганини айтди. Бу ҳақда TOLOnews хабар берди.
Маълум қилинишича, аёллар учун махсус SIM-карталар савдоси бўлими ташкил этилмагунча, уларга SIM-карта сотиш тақиқланади. Шу тариқа, уяли алоқа операторлари ўз филиалларида аёлларга хизмат қилиши керак бўлган махсус бўлимларини ташкил этиши зарур. Айни пайтда, Урузгон аҳолиси ва аёллари маҳаллий ҳокимиятнинг бу қарори қийинчиликлар туғдираётганини айтиб, ечим сўраган.
«Агар аёл ходималар тайинлансагина, улар SIM-картани бемалол сотиб олиши мумкин», — дейди Урузгон шаҳрида яшовчи Абдулвали.
Маҳаллий мутасаддиларнинг айтишича, телекоммуникация тармоқлари ҳамкорлигида аёллар учун алоҳида SIM-карта савдо марказларини ташкил этишга ҳаракат қилинмоқда.
Мавзуга доир:
Изоҳ (0)