Қашқадарёда 17 ёшли қиз ижарадаги уйида ис газидан заҳарланиб вафот этди

Қашқадарё вилояти Қарши шаҳрида 20 ноябрь куни 17 ёшли абитуриент қиз ис газидан заҳарланиб вафот этди. Бу ҳақда Nasafnews хабар бермоқда.

Қарши шаҳри «Маҳаллот» маҳалласи Аҳмад Яссавий кўчасида жойлашган уйда ижарада яшаб келаётган қиз ис газидан заҳарланиб вафот этган. Маълум бўлишича, 2005 йилда туғилган қизнинг жасади ҳаммомдан топилган. Марҳума Косон туманида истиқомат қилган. Қарши шаҳридаги ўқув марказида таҳсил олгани учун «Маҳаллот» маҳалласидаги хонадонда ижарада яшаган.

Қашқадарё вилояти прокуратурасининг маълум қилишича, ҳозирда ҳолат юзасидан Қарши шаҳри прокуратураси томонидан терговга қадар текширув ҳаракатлари олиб борилмоқда.

Мавзуга доир:

• Хоразм ва Жиззахда ис газидан жами 5 киши вафот этди
• Жиззахда аёл ва унинг икки фарзанди ис газидан заҳарланиб, вафот этгани тасдиқланди
• Ўзбекистонда 2020 йилдан шу кунга қадар ис газидан заҳарланиш бўйича 428 та ҳолат содир бўлган