Наманган вилояти Поп туманидаги Чодак қишлоғида 15 йиллик дарахтлар кесиб ташланаётгани ҳақида Telegram’даги «Экологуз» каналига мурожаат келиб тушди.
Хабар қилинишича, дарахтлар туман ўрмон хўжалиги томонидан «юқоридан келган кўрсатма ва буйруқ» деб кесиб ташланмоқда.
«20-30 тадан ортиқ дарахт кесилди, режада ҳали кўп бор деган гаплар бор. ‘Яшил макон’ деб бонг урилади, шуми яшил макон?» — дейди мурожаатчи.
Канал маъмурияти ҳолат юзасидан ўз муносабатини билдириб ўтган.
Чодак қишлоғига туризм мақоми берилмаганмиди? Дарахтлар кимнинг буйруқларига асосан кесилган? Биз Ўрмон хўжалиги давлат қўмитасидан дарахтларни кесиш учун берилган буйруқни ва нега дарахтлар кесиб ташланганини изоҳлаб муносабат билдиришларини сўраймиз, — дейилади унда.
Мавзуга доир:
Изоҳ (0)