Германия канцлери Олаф Шольц Европа иқтисодиётидаги пасайишнинг асосий сабабини Осиё давлатларининг ривожланиши билан изоҳлади. Бу ҳақда «Коммерсантъ» хабар бермоқда.
Шольцнинг сўзларига кўра, Россия ва Украина ўртасидаги ҳарбий можаро ва коронавирус пандемияси инқирозни фақат тезлаштирган.
Сўнгги 30 йил ичида Европа ва Шимолий Америкада биз бир вақтнинг ўзида кучли ўсиш, паст инфляция ва кучли бандликни кўрдик. Бу иқтисодиёт учун ажойиб воқеа бўлди. Россия уруши ва пандемиянинг иқтисодий оқибатлари, гарчи улар бу ҳодисанинг тугашини тезлаштирган бўлса-да, асосий сабаб эмас, — дейди Олаф Шольц Берлиндаги иқтисодий форумда.
Германия канцлери, шунингдек, иқтисодиётларни деглобализация қилиш ва уларни диверсификация қилишдан қочишга чақирди.
Россия мисолида биз стратегик муҳим ресурсга ҳаддан ташқари қарам бўлиш нимани англатишини бошдан кечирдик, — дейди у.
Европа Комиссияси 2022 йилда Европа Иттифоқида ялпи ички маҳсулотнинг реал ўсиши 3,3 фоиз ва 2023 йилда 0,3 фоиз бўлишини кутмоқда.
ЙК йиллик инфляция даражаси 9,3 фоиз, 2023 йилда 7 фоиз, 2024 йилда 3 фоиз бўлишини кутмоқда.
Инфляция фонида мамлакатлар марказий банклари унинг ўсишини ушлаб туриш учун асосий ставкаларни оширишга киришмоқда.
Изоҳ (0)