Twitter ижтимоий тармоғининг янги эгаси Илон Маск компания ходимларини оммавий ишдан бўшатишни якунлади ва янги ходимларни ёллашга ўтди, деб хабар бермоқда Verge.
Маск раҳбарлигида 3,5 ҳафталик фаолиятидан сўнг Twitter’нинг 7,5 минг ходимидан бор-йўғи 2,7 минг нафари қолган.
Нашрнинг ёзишича, Маск Twitter’да қайси лавозимлар учун муҳандис ёки сотувчиларни қидираётганига аниқлик киритмаган, ҳозирда компания сайтида ҳам очиқ вакансиялар йўқ.
«Муҳим ишга ёллаш нуқтаи назаридан шуни айтган бўлардимки, дастурий таъминотни яхши ёзадиган одамлар устунликка эга бўлади», — деган у учрашувда.
Маск Twitter’га келганидан бери компания 7 500 нафар ходимининг 50 фоизини ишдан бўшатди. Шундан сўнг у қолган ультиматумни — 17 ноябргача қарор қабул қилишни талаб қилди — кетиш ёки қаттиқ режимда ишлаш. Twitter’нинг юзлаб ходимлари Илон Маскнинг ультиматумидан сўнг оммавий равишда ишдан кетишни бошлади. Улар ортиқча ишлашдан кўра уч ойлик нафақани афзал кўриб, компанияни тарк этишга қарор қилган.
Маълумотларга кўра, Twitter фаолиятини сақлаб қолиш учун муҳим бўлган бир нечта жамоалар бутунлай ишдан бўшатилган. Ҳозирда муҳандислар етишмовчилиги кузатилмоқда.
Изоҳ (0)