Шимолий Корея ташқи ишлар вазирлиги Бирлашган Миллатлар Ташкилоти (БМТ) Бош котиби Антониу Гутерришни «АҚШнинг қўғирчоғи» деб атади. Бу ҳақда Deutsche Welle хабар берди.
Мазкур баёнот БМТ раҳбари КХДРнинг қитъалараро баллистик ракета синовини қоралашига қўшилгани учун эълон қилинган. Антониу Гутерриш Шимолий Кореяни «провокацион ҳаракатлардан зудлик билан воз кечишга» чақирганди. Гутеррешнинг баёноти АҚШ КХДРни баллистик ракетаси билан исталган нуқтасига зарба бериш мумкинлигини танқид қилганидан кейин янграган.
«Мен БМТ Бош котибини кўпинча Оқ уй ёки унинг Ташқи ишлар вазирлиги аъзоси деб ҳисоблайман», — дейди Шимолий Корея ТИВ.
Шунингдек, вазирлик Гуттеришни ташкилот низомидан бехабарликда айблаб, низомнинг мақсади ва тамойилларини менсимай, ўта аянчли позицияни эгаллаганидан афсусдалигини маълум қилди. Шу билан бирга, ташкилот ва унинг тегишли миссиясини барча масалаларда холислик ва адолатни сақлашга чақирилди.
18 ноябрь куни Шимолий Корея Корея ярим оролидан шарққа қарата катта масофали баллистик ракета учирди. АҚШ Хитойни Шимолий Корея ракета учиришини тўхтатиш учун унга таъсир ўтказишга чақирди.
Изоҳ (0)