Кўз остидаги қора доғлар миллионлаб инсонларнинг муаммосига айланган. Бу нуқсон баъзилар учун фақат уйқу етишмаслигидан, бошқаларда эса жиддий касалликнинг мавжудлигидан далолат беради. Шунинг учун, биринчи навбатда, кўз остидаги қора доғлар нима сабабдан пайдо бўлганини аниқлаш керак. Harper’s Bazaar нашри кўз остида доғлар пайдо бўлишининг сабаблари ҳақида маълумот берди.
Етарлича ухламаслик
Етарлича ухламаслик кўз остидаги қора доғларнинг энг кенг тарқалган сабабларидан бири ҳисобланади. Чарчоқ ва тўпланган стресс бир зумда терида акс этади ва унинг рангини ўзгартириб, юпқалаштиради. Бундай ҳолатда қон томирлари кўпроқ кўринади.
Қариш
Ёш ўтиши билан кўз атрофидаги тери ҳам юпқалашиб, эластиклигини йўқотади. Вазиятни сақлаб қолиши мумкин бўлган ягона нарса — филлер ёки лазерли косметик муолажалардир.
Аллергия
Аллергик реакцияларда кўзлар ўзига хос индикатор бўлиб хизмат қилади. Қичишиш ва кўз ёшлар танада кўп миқдорда гистаминлар ишлаб чиқарила бошлаганлиги ҳақида сигнал бера бошлайди, бу эса кичик томирларни кенгайтиради.
Генетика
Олимларнинг таъкидлашича, агар оиланинг кекса аъзолари худди шундай косметик нуқсонга эга бўлса, унда бунинг ёш авлодда намоён бўлиш эҳтимоли юқори бўлади. Ўртача ҳисобда кўз остидаги қора доғлар 25 ёшдан кейин пайдо бўла бошлайди.
Темир танқислиги ва анемия
Анемияда қон ҳужайралари тўқималарни етарли миқдорда кислород билан таъминлай олмайди, бу эса терида қорайишларни пайдо қилади. Шунинг учун қора доғларга кўпинча танада темир етишмаслиги сабаб бўлади. Шунингдек бундай ҳолатда бош айланиши ва ҳолсизлик кузатилиши мумкин.
Зарарли одатлар
Чекиш ва спиртли ичимликлар терини сезиларли даражада қуритиб, уни қуруқ ва юпқа қилади. Иссиқ ичимликлар қон томирларини кенгайтиришга ёрдам беради. Сигарет тутуни эса коллагенни йўқ қилади.
Мавзуга доир:
Изоҳ (0)