Агар телефонингиз ғилофи чиройли кўринишини йўқотган бўлса ва эстетик жиҳатдан яхши кўринмаса, бу янги аксессуар сотиб олиш керак, дегани эмас. «Новий очаг» нашри ҳар қандай материаллардан ясалган ғилофларни самарали тозалашда ёрдам берадиган маслаҳатларни тақдим этди.
Ишни бошлашдан олдин, телефонингизни корпусдан чиқариб олинг ва ҳеч қачон телефонингиз ичида бўлган ғилофни тозалашга уринманг, чунки тасодифан қурилмага шикаст етказишингиз мумкин.
Пластик телефон ғилофларини қандай тозалаш мумкин?
Пластик бошқа ғилоф материаллари билан солиштирганда нисбатан кучли ва чидамли, шунинг учун у оқартиргич каби агрессив таъсирга эга тозалагичларга бардош бера олади. Оқартиргич билан ишлаганда идишларни ювиш учун мўлжалланган қўлқоп кийишни ва деразаларни очишни унутманг.- Бир ош қошиқ оқартиргич ва бир стакан сувни аралаштиринг. Агар бу ҳажм сиз учун етарли бўлмаса, миқдорни оширишингиз мумкин.
- Ғилофни 5-10 дақиқа давомида эритмага тўлиқ ботиринг. Аксессуарда кетмайдиган доғлар бўлса, уни бироз кўпроқ ёки доғлар йўқолгунча намланг.
- Кир ва доғлардан халос бўлиш учун ғилофни шимгич ёки мато билан яхшилаб артиб олинг. Мато билан артиш қийин бўлган жойларни тиш чўткасидан фойдаланиб тозалаб олинг.
- Ғилофни яхшилаб артиб олинг. Уни қоғоз сочиқ билан артинг ва тахминан ярим соат давомида очиқ ҳавода қуритинг. Ушбу тозалаш жараёнини ҳар ойда бир марта такрорлаш мумкин.
- Силикон телефон ғилофини тозалашнинг энг яхши усули — идиш ювиш воситаси ва сувни аралаштиришдир. Ғилофни аралашмага солинг ва уни бир неча дақиқага қолдиринг. Агар телефон ғилофи сувнинг юзасига чиқиб қолса унинг устига оғир нарсани қўйинг.
- Ғилофдаги доғларни йўқотиш ва қирраларини тозалашда тиш чўткасидан фойдаланинг. Шундан кейин ҳам қораланган жойлардан ва кирлардан қутулолмасангиз, уларга сода сепинг ва нам тиш чўткаси билан тозаланг.
- Ғилофни совуқ сувда ювинг ва микрофибер мато билан қуритинг. Аксессуарни бир соат давомида очиқ ҳавода қуритинг. Шаффоф пластик телефон ғилофларини ҳам шу тарзда тозалаш мумкин.
Резинали телефон ғилофларини қандай тозаласа бўлади?
Силикон телефон ғилофлари сингари, резина қутиларни ҳам идиш ювиш воситаси ва сув билан осонгина тозалаш мумкин.
Баъзи резина ғилофларда доғларни йўқотиш оқ ва шаффоф ғилофларга қараганда олиб ташлаш қийинроқ. Бундай ҳолда, бирга уч нисбатда илиқ сув ва содани аралаштириб, махсус паста ҳосил қилинг. Уни телефон ғилофингизга қўлланг ва бир неча соат давомида қуритинг. Кейин аксессуарни яхшилаб ювиб ташланг.
Ёғочдан ясалган телефон ғилофини қандай тозалаш керак?
Ёғоч телефон ғилофларига жуда эҳтиёткорлик билан муносабатда бўлиш керак. Иложи бўлса, аксессуарни тозалашда сувдан фойдаланманг. Ёғоч ғилофга тез-тез сув теккизиш унинг сифати ёмонлашишига сабаб бўлади. Ёғоч ғилофни мунтазам равишда қуруқ микрофибер мато билан артиб турган маъқул, бу унинг юзасига зарар бермайди.
Ўта ифлосланган ғилофни намланган микрофибер мато билан артишингиз мумкин (ҳеч қачон ёғоч ғилофга сув теккизманг). Кейин ортиқча намликни сўриш учун қуруқ микрофибер матодан фойдаланинг.
Агар бу усул билан ёғоч қути тўлиқ тоза бўлмаса, сувга бир неча томчи оқ сирка қўшинг, салфеткани аралашмага ботириб, корпуснинг сиртини артиб олинг.
Чарм ғилофни қандай тозалаган маъқул?
- Идишда илиқ сув ва суюқ қўл совунини аралаштиринг (нисбатлар ўзингизга боғлиқ).
- Микрофибер матони эритма ичига ботириб, озгина нам бўлгунча сиқиб олинг. Ғилофни айланма ҳаракатда мато билан артиб олинг.
- Ортиқча сувни қуруқ мато ёки қоғоз сочиқ билан артиб олинг. Ушбу тозалаш жараёнини ойига бир марта такрорланг.
Мавзуга доир:
Изоҳ (0)