Ухлашдан олдин телевизор томоша қилиш ёки телефондан фойдаланиш саломатликка жиддий зарар етказади. Унинг ўрнига бошқа ишлар билан шуғулланиш, вақтни самарали ўтказиш мумкин. The Voice нашри ухлашдан олдин шуғулланиш керак бўлган ишлар ҳақида маълумот берди.
Эртага қилмоқчи бўлган ишларингизнинг рўйхатини тузинг.
Эрта қилмоқчи бўлган барча ишларингизнинг рўйхатини тузинг. Агар эртанги кунни режалаштирсангиз, бошингизни кераксиз саволлар билан тўлдирмайсиз ва шу билан бирга режа билан иш тутиш куннинг самарали ўтишини таъминлайди.
Эртанги кун қандай образда бўлишингизни ўйлаб кўринг
Эрталаб нима кийиш ҳақида ўйлашга қанча вақт сарфлайсиз? Бунинг йўли бор: кечқурун кийимларингизни тайёрлаб қўйинг. Шундан кейин сизда кийимингизни алмаштиришга ва эрталаб жуда кўп вақтингизни тежашга имкон бўлади.
«Антистресс-раскраска» ёки рақамлар бўйича расм чизиш
Бундай ҳолатда инсон ўзини яхши ҳис қилади, машғулот стрессни енгишга ва уйқуга мослашишга ёрдам беради.
Китоб ўқиш
Китоб ўқиш уйқудан олдин қилинадиган самарали ишлардан бири ҳисобланади. Ухлашдан олдин бирорта ибратли ҳикоя ёки ўзингизга ёққан асарни ўқишингиз мумкин. Агар ўқишни ёқтирмасангиз аудиокитоб тингласангиз ҳам бўлади.
Йога
Йога фақат профессионал мутахассислар шуғулланадиган машғулот эмас, сиз ҳам бир нечта оддий машқларни бажаришингиз мумкин. Шунингдек йога қоматга таъсир кўрсатади ва дам олишга ёрдам беради.
Ўзингизни ўзингиз массаж қилинг
Ухлашдан олдин дам олишнинг яна бир варианти ўзингизни ўзингиз массаж қилишдир. Ижтимоий тармоқларда бу бўйича кўплаб қўлланмалар мавжуд.
Юз ва тана учун ниқоб
Макияж сумкангизда кўплаб ниқоблар бор бўлса, улардан фойдаланинг. Ухлашдан олдин ўзингизга ғамхўр бўлинг ва юзингиз ёки танангиз учун ниқоб қилинг.
Янги машғулотлар билан шуғулланинг
Қачондир тўқишни ёки гитара чалишни ўрганишни хоҳлаганмисиз? Ухлашдан олдин бу машғулотларни ўрганишга киришинг ва ўзингиз ёқтирган иш билан машғул бўлинг.
Кроссворд
Судоку, сўз ўйинлари, математик жумбоқлар, нима бўлишидан қатъи назар миянгизни ҳаракатга келтиринг — бу қийин, бироқ ёқимли жараён.
Яхши кўрган инсонларингизга ёки нарсаларингизга вақт сарфланг
Уй ҳайвонларингиз билан ўйнанг, фарзандингиз билан китоб ўқинг, севган инсонингиз билан дилдан суҳбатлашинг, анчадан бери кўрмаган дўстингизга қўнғироқ қилинг. Бу вақтни ҳаётингизда аҳамиятга эга бўлган инсонларга сарфланг.
Мавзуга доир:
- Ётиб телефон кўриш, рюкзак тутиш ва қадди-қоматга зарар етказадиган бошқа зарарли одатлар.
- Фарзандингизнинг билим ва тарбия олишида телевизор, планшет ва телефондан оқилона фойдаланиш йўллари.
- Телевизор кўрмаслик, низога бормаслик. Ақлли бўлишга етакловчи тавсиялар.
- Телевизор кўришнинг ўлимга олиб келувчи хавфи аниқланди.
Изоҳ (0)