Сирдарё туманида фуқаронинг 1 200 АҚШ долларини қўлга киритган фирибгар аниқланди. Бу ҳақда Иқтисодий жиноятларга қарши курашиш департаменти хабар қилди.
Қайд этилишича, Бош прокуратура ҳузуридаги департаментнинг Сирдарё туман бўлими томонидан терговга қадар текширув ўтказилган. Унда фуқаро З.З. (муқаддам судланган) ва бошқалар ўзаро тил бириктириб, фуқаро Б.Х.нинг юк ташувчи автотранспорт воситаларини қўшни Қозоғистонга кириши ва ҳаракатланиши учун қалбаки рухсатнома тайёрлаб бериб, эвазига 1 200 долларини қўлга киритгани аниқланган.
Текширув давомида З.З. томонидан 1 200 долларни қайтаргани процессуал тартибда расмийлаштирилган.
Ҳолат юзасидан Жиноят кодексининг 168-моддаси (фирибгарлик) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилган. Ҳозирда тергов ҳаракатлари ўтказилмоқда.
Изоҳ (0)