Uzbekistan Airports ахборот хизматининг маълум қилишича, Salam Air илк бор Наманганга парвозларни йўлга қўйди.
Қайд этилишича, 18 ноябрь куни маҳаллий вақт билан соат 12:06 да Уммоннинг Salam Air авиакомпаниясининг самолёти Наманганга келиб қўнди. Ўзбекистонга янги — Маскат—Наманган—Маскат парвоз йўналишини очган Airbus А320 Neo самолёти анъанавий тарзда сув аркаси билан кутиб олинди.
Самолёт бортида 184 йўловчи билан соат 13:55 да Маскатга учиб кетди. Мунтазам рейслар ҳафтада бир марта — жума кунлари амалга оширилиши режалаштирилган.
2016 йилда ташкил этилган Salam Air Уммонда жойлашган арзон нархларда хизмат кўрсатувчи авиакомпания бўлиб, бош қароргоҳи Маскат халқаро аэропортида жойлашган.
Мавзуга доир:
Изоҳ (0)