Европарламент Россияни «терроризм ҳомийси »деб тан олиш ҳақидаги резолюцияни тайёрлади. Бу ҳақда Европарламент депутати ва Литва собиқ бош вазири Андриус Кубилиус Twitter’да маълум қилди.
Унинг сўзларига кўра, Европарламент сиёсий гуруҳлари ўртасида тўрт соат давом этган музокаралардан сўнг резолюция матни бўйича келишувга эришилган. Сиёсатчи резолюциянинг асосий пункти «Европа парламенти Россияни терроризмнинг ҳомийси ва терроризм воситаларидан фойдаланадиган давлат сифатида тан олиши» бўлишини айтди.
Европарламент кун тартиби бўйича резолюцияга овоз бериш 23 ноябрга белгиланган. Украина АҚШни бир неча бор Россияни «терроризм ҳомийси» сифатида тан олишга чақирган. Вашингтон ҳали бундай қадам ташлашга шошилмаяпти, бироқ Украина ташқи ишлар вазири Дмитрий Кулеба бир неча бор «йўқ» дейилгани, аммо охир-оқибат қарор қабул қилинганини таъкидлади.
Август ойида Латвия Россияни «терроризм ҳомийси» деб тан олган баёнотни қабул қилди, шунингдек, Европа Иттифоқи давлатларини Россия ва Беларусь фуқароларига визалар беришни тўхтатишга чақирди.
Мавзуга доир:
Изоҳ (0)