«Чолиқуши» сериалида Фериде образини маҳорат билан ижро этган турк актрисаси Фаҳрие Эвженнинг ҳаёти ва ижоди ҳақидаги маълумотлар кўплаб мухлисларни қизиқтиради. «Lisa.ru» нашри дунёга машҳур актриса ҳақидаги қизиқарли маълумотларни тақдим этди.
Актрисанинг ота-онаси ҳақида
Фаҳрие Эвжен Германиянинг Солинген шаҳрида туғилган. Отасининг миллати турк, Германияга юнон Салоники шаҳридан келган, онаси черкес миллатига мансуб.
Спортга қизиқиш
Эвжен мактаб йилларида спорт билан фаол шуғулланган ва ҳатто баскетбол жамоасида ҳимоячи бўлган.
Касб танлови
Шу билан бирга, Фаҳрие театр гуруҳига борди ва саҳнага чиқди, бироқ ўша пайтда у актёрлик карьераси ҳақида ўйламаган эди. Бўлажак актриса мактабни битиргандан сўнг Дюссельдорфдаги Гейнрих Гейн университетига ўқишга кирди ва у ерда социологияни ўрганди.
Кино оламидаги илк қадам
Актриса ўқишни ёқтирмаган ва 19 ёшида у онаси билан Туркияга таътилга боради. Режиссёрлар унга эътибор қаратишади ва «Ҳеч қачон унутма» телесериалидан кичик рол таклиф қилишади. Шундан сўнг Эвжен ўз ҳаётини кино билан боғламоқчи эканини тушуниб етади. У университетни ташлаб, Истанбулга кўчиб ўтади ва актёрлик карьерасини қура бошлайди.
Олий маълумотли актриса
Шунга қарамай, актриса Туркияда Босфор институтининг тарих факультетида таҳсил олган.
Машҳурлик келтирган роли
2013 йилда «Хазонрезги» сериали орқали машҳурликка эришган актрисага «Муҳташам юз йил» тарихий сериалидаги роли билан томошабинларга таниш бўлган актёр Бурак Ўзчивит билан иштирок этиши керак бўлган «Чолиқуши» сериалидаги бош рол таклиф этилди. Шундан кейин Фаҳрие Эвжен Туркияда энг талабгир актрисаларидан бирига айланди.
Турк актёри билан ишқий муносабат
Фаҳрие Бурак билан учрашишидан олдин ҳамкасби Ўзжан Дениз билан муносабатда бўлган. Уларнинг муносабати шу қадар жиддий эдики, ҳатто турмушга чиқмоқчи бўлди, бироқ Ўзжан бошқа актриса билан муносабатда бўлгани учун тўй ҳақидаги фикрлар муваффақиятсизликка учради.
Бахтли ҳаёт
«Чолиқуши» сериалининг суратга олиш жараёнлари пайтида Эвжен ва Ўзчивитнинг бир-бирига нисбатан ишқий туйғулари йўқ эди, чунки актёр ўша пайтда бошқа қиз билан муносабатда бўлган ва актриса Дениз билан ажрашган. Орадан икки йил ўтгач, улар севишганлар ролини ижро этган «Севги сенга ўхшайди» драмасида яна учрашди.
Бу лойиҳадан кейин Фаҳрие ва Бурак ажрашмади. Жуфтлик фильм премьерасида бирга қўл ушлашиб пайдо бўлди ва уларнинг яхши муносабатда эканига ҳеч кимда шубҳа қилмади. Туркиянинг энг гўзал жуфтликларидан бири Фаҳрие Эвжен ва Бурак Ўзчивит турмуш қурди, орадан икки йил ўтиб, уларнинг ўғли Каран дунёга келди.
Актрисанинг турмуш ўртоғи билан муносабати
Эвжен Бурак Ўзчивит у бутун умри давомида излаган умр йўлдоши эканини айтган. «Энг муҳими, ҳаётимда мен учун ҳамма нарса бўлган инсон бор. Уни пул билан ўлчаб бўлмайди. Буракка бўлган муҳаббатим ишимга жуда ижобий таъсир қилади. Мен у билан ҳар қандай масалада маслаҳатлашишни яхши кўраман, унинг фикри ва қарорларига жуда ишонаман», — дейди актриса.
Кўп фарзандли оиланинг орзуси
Турк кино юлдузи кўп фарзандли оилада ўсган — актриса ота-онасининг тўртинчи ва кенжа қизи. Миш-мишларга кўра Бурак ва Фаҳрие эгизак фарзандли бўлади ва шунингдек уч нафар фарзанднинг ота-онасига айланади.
Фаҳрие Эвжен қайси тилларни билади?
Эвжен полиглот ҳисобланади. У турк ва инглиз тили, шунингдек, немис ва испан тилларини ҳам яхши билади.
Вокал бўйича маълумотлари
Фаҳрие хонанда бўлиши ҳам мумкин эди, чунки унинг овози жуда яхши. Бироқ у хонандалик карьераси ҳақида ўйламайди.
Мавзуга доир:
- Марям Узерли, Фаҳрие Эвжен ва бошқа турк актрисалари қандай уйларда яшайди? (фото).
- Ҳанде Эрчел, Фаҳрие Эвжен ва вазн йўқотиб, таниб бўлмас даражада ўзгарган бошқа турк актрисалари (фото).
- Турк киносининг юлдузли жуфтлиги Бурак Ўзчивит ва Фаҳрие Эвжен эгизак фарзанд кутмоқда.
- Шарқ маликалари: Ханде Эрчел, Фаҳрие Эвжен ҳамда бошқа энг машҳур турк актрисаларининг ҳашаматли уйлари (фото).
Изоҳ (0)