Тошкентнинг Мирзо Улуғбек туманида янги қурилаётган турар жой комплекси ҳудудида хонадон эгалари мажбуран кўчирилаётгани ҳақида хабар берилган эди. Туман ҳокимлиги ҳолат юзасидан муносабат билдирди.
Ушбу ҳолат туман ҳокимлиги матбуот хизмати томонидан атрофлича ўрганилди. Аниқланишича, Plitindustrybuilding турк компанияси томонидан Мирзо Улуғбек туманининг Қори Ниёзий ва Лашкарбеги кўчаларининг оралиғида Akay City кўп қаватли турар жой ва савдо комплекси қурилаётган бўлиб, шу сабабли, Қори Ниёзий кўчаси, 25 уй манзилида фуқаро Ч.Расуловга тегишли бўлган турар жой биноси ва қўшимча қурилмаларнинг бузилиши, бунинг учун Плитиндустрйбуилдинг томонидан компенсация тўланиши кўзда тутилган.
Компенсация қийматини аниқлаш бўйича компания вакиллари ва Ч.Расулов ўртасида вужудга келган келишмовчиликлар сабабли, ушбу масала 2021 йилнинг майида Фуқаролик ишлари бўйича Мирзо Улуғбек туманлараро суди томонидан кўриб чиқилган. Суд қарорига кўра компания келтирилаётган зарарни 2 миллиард сўм қийматида қоплаши керак бўлган. Кейинчалик Ч.Расуловнинг шикоятлари Тошкент шаҳар ва Олий суд томонидан апелляция ва кассация тартибида кўриб чиқилган, бироқ туманлараро суднинг қарори ўзгаришсиз қолган.
Бундан сўнг, суд қарорига мувофиқ 2 миллиард сўмлик коменсация МИД томонидан кўрсатилган кўчмас мулкнинг олтин нафар эгаси орасида тақсимланган. Хусусан, Ч.Расуловнинг собиқ хотинига – 50 фоиз (1 миллиард сўм), Ч.Расулов, унинг укаси, укасининг хотини, шунингдек, фуқаролар А.Султонхўжаев ва Н.Зиёхўжаеваларга мол-мулкнинг умумий қийматидан 10 фоиздан (200 миллион сўмдан) берилиши кўзда тутилган.
Ўз навбатида, бу суммага рози бўлмай, умумий майдони 350 метр квадрат бўлган бузилаётган турар жой биноси ва қурилмалар учун бир нечта тенг қийматли квартиралар берилишини талаб қилмоқда.
Ўтказилган текширув чоралари кўрсатишича, Тошкент шаҳар ҳокимининг 2015 йил 31-декбардаги қарорига кўра, 1,6 гектарлик майдон бузилаётган бино-иншоотлар эгаларига компенсация тўлаш шарти билан Плит индустрй буилдинг компаниясига ажратилган.
Юқорида кўрсатилган манзилда жойлашган турар-жой ва қурилмаларнинг умумий майдони 400 метр квадрат бўлиб, улар Ч.Расулов ва унинг собиқ хотини ўртасида биргаликда орттирилган мулк сифатида тақсимланган.
2020 йилнинг мартида нотариал тасдиқланган ҳадя шартномасига мувофиқ Ч.Расулов ўзига тегишли бўлган кўчмас мулк қисмини 5 қисмга — ўзи, укаси, укасининг хотини, А.Султанходжаев ва Н.Зиёхўжаевалар ўртасида, ҳар бирига 10 фоиздан тақсимлаб чиққан.Ҳозирги кунда, ажратилган компенсациянинг умумий қийматидан 1 миллиард сўми Ч.Расуловнинг собиқ хотинига, 400 млн сўми фуқаролар А.Султанходжаев ва Н.Зиёхўжаевага берилган.
Шу билан бирга, Ч.Расуловнинг норозилиги сабабли, унга, унинг укаси ва укасининг хотинига тегишли бўлган 600 миллион сўм МИБнинг депозит рақамида сақланмоқда.
Қурилиш майдонини тезроқ бўшатиш мақсадида, Плит индустрй буилдинг суд қарорига мувофиқ ажратилган 2 миллиард сўмдан ташқари Ч.Расуловга 117 метр квадрат майдонли, баҳоси 150 минг доллар қийматга эга квартира таклиф қилган, лекин Ч.Расулов бу таклифни рад этган.
Бугунги кунда суд қарори туман МИБ томонидан ижро этилиши ва фуқаронинг мол-мулкини кўчириш, ҳамда эҳтиёт чораси сифатида ноқулай об-ҳаво шароитида буюмлар учун мўлжалланган сақлаш хонасига (контейнер) жойлаш назарда тутилган.
«Юқоридагилардан келиб чиқиб, ноқулай об-ҳаво шароитини ҳисобга олган ҳолда, тадбиркорга фуқаро кўчиб чиқиши учун маълум бир муддат беришни тавсия қиламиз. Шунингдек, тадбиркорлик субъекти ва фуқаролар имкон қадар муросага келишларини сўраб қоламиз», — дейилади ҳокимлик хабарида.
Изоҳ (0)