Россияда иқтисодий рецессия 2023 йилнинг учинчи чорагигача кузатилади. Келгуси йилнинг дастлабки уч ойида Россия ялпи ички маҳсулоти 8 фоиздан кўпроққа тушиши мумкин. Бу ҳақда Bloomberg хабар бермоқда.
Агентлик маълумотларига кўра, иқтисодиётдаги кескин пасайиш жорий чоракда бошланади ва келгуси йилнинг дастлабки уч ойида давом этади.
Экспертларнинг фикрича, Россия ялпи ички маҳсулотининг ўсиши 2023 йилнинг учинчи чорагидан кейингина юз бериши кутилмоқда.
Россия ЯИМ 2022 йилда 3,5 фоизга, 2023 йилда эса 2 фоизга қисқаришини прогноз қилинмоқда. Агентлик Россия ҳукуматидан қурилишни қўллаб-қувватлаш бўйича баъзи чораларни қисқартиришини кутмоқда.
Morgan Stanley иқтисодчиларининг фикрича, Россия иқтисодиёти замонавий технологияларни эскирган технологиялар билан алмаштириш билан мажбурий трансформацияни бошдан кечирмоқда, бу узоқ давом этадиган рецессияга олиб келади ва потенциал ўсишни пасайтиради.
Шунингдек, Россиянинг энергетика сектори ва ишлаб чиқариш саноати санкциялар таъсирида қисқаришда давом этади. Субсидия каби ички талабни рағбатлантиришнинг баъзи воситалари тез орада тугайди.
«Росстат» жорий йилнинг учинчи чорагида ЯИМнинг пасайишини 4 фоизга баҳолади. Россия Иқтисодиёт вазирлиги аввалроқ учинчи чоракда ЯИМ 4,4 фоизга тушишини прогноз қилган эди.
Изоҳ (0)