Ўзбекистон 2022 йил учун эълон қилинган Глобал инновациялар индексида (ГИИ) 132 та мамлакат орасида 82-ўринни эгаллади. Бу ҳақда «Energyprom.кз» хабар бермоқда.
Инновацияларни ривожлантириш бўйича глобал тадқиқот ҳар йили Жаҳон интеллектуал мулк ташкилоти ва Insead халқаро бизнес мактаби томонидан тақдим этилади. ГИИ миллий инновацион экотизимларнинг сифатини баҳолайди.
Стратегик ривожлантириш доирасида Ўзбекистон экспортга йўналтирилган маҳсулотларга сармоя жалб қилиш учун Марказий Осиёдаги инновацион ривожланиш марказига айланди.
Мамлакатда инновацион фаолликнинг ўсиши кузатилган. Унинг минтақадаги асосий рақобатчиси Қозоғистон бўлиб рейтингда бир поғона пастда — 83-ўринни эгаллаган. Рейтингда Қирғизистон 94-ўринда қайд этилган бўлса, Тожикистон 104-ўринга баҳоланган.
Ўзбекистон йил давомида 86-ўриндан 82-ўринга кўтарилди ва халқаро экспертларнинг баҳолашича, Ҳиндистон ва Эрон билан бир қаторда Марказий ва Жанубий Осиёда инновацияларни ривожлантириш бўйича кучли учликка кирди.
Ўзбекистонда инновацион экотизимнинг ривожланиш суръатлари кутилганидан юқори бўлган. Қозоғистонда эса аксинча прогноз қилинганидан паст бўлган.
Инновациялар индекси еттита аналитик блокни ўз ичига олади. Институтлар, инсон капитали, инфратузилма, бозор ва бизнес ривожланиши, технология ва ижодий фаолият натижалари баҳоланади.
1 апрелдан бошлаб Ўзбекистонда TashRush дастури ишга тушган, унинг доирасида IT Park ходимлари хорижий IT компанияларга ўз бизнесларини Ўзбекистонга кўчиришда ёрдам бермоқда.
Изоҳ (0)