Австралиялик миллиардер Эндрю Форрест Украинанинг урушдан кейинги иқтисодига кўмаклашиш учун кенг кўламли сармоя киритилишини эълон қилди. Бу ҳақда The Sydney Morning Herald хабар берди.
Унинг сўзларига кўра, 17 ноябрь куни Украина иқтисодиётини тиклашни молиялаштириш учун Австралия пойтахтида Форрест 497 миллион доллар сармоя киритадиган инвестиция фонди очилган.
Украина ҳукумати жамғарма маблағларидан фойдаланган ҳолда энг янги технологиялар асосида замонавий инфратузилма қуриши режалаштирилмоқда.
Украина халқи, умуман олганда, бутун дунё мамлакат иқтисодиётига зудлик билан сармоя киритишни бошлаш кераклигини тушуниши учун биз катта инвестиция фондини яратяпмиз, — деди Форрест.
Жаҳон банки прогнозига кўра, уруш сабаб Украина иқтисодиёти йил охиригача тахминан 35 фоизга камаяди.
Банк Украина иқтисодиётининг тикланишини 349 миллиард долларга баҳолаган.
Уруш маъносиз давом этар экан, Украина тикланиш ва қайта қуриш лойиҳалари учун катта молиявий ёрдамга муҳтож бўлиб қолмоқда, — деди Жаҳон банкининг Европа ва Марказий Осиё бўйича вице-президенти Анна Бжерде.
Апрель ойида Жаҳон банки 2022 йил охирига келиб ЯИМнинг 45,1 фоизга қисқаришини башорат қилган эди. Кейин ташкилот халқаро ҳамжамиятни мамлакатни молиявий қўллаб-қувватлашга чақирган.
Аввалроқ Украинадаги уруш олти ой ичида глобал нархларга қанчалик таъсир қилгани ҳақида хабар берилганди.
Изоҳ (0)