Rossiyada iqtisodiy retsessiya 2023-yilning uchinchi choragigacha kuzatiladi. Kelgusi yilning dastlabki uch oyida Rossiya yalpi ichki mahsuloti 8 foizdan ko‘proqqa tushishi mumkin. Bu haqda Bloomberg xabar bermoqda.
Agentlik ma’lumotlariga ko‘ra, iqtisodiyotdagi keskin pasayish joriy chorakda boshlanadi va kelgusi yilning dastlabki uch oyida davom etadi.
Ekspertlarning fikricha, Rossiya yalpi ichki mahsulotining o‘sishi 2023-yilning uchinchi choragidan keyingina yuz berishi kutilmoqda.
Rossiya YIM 2022-yilda 3,5 foizga, 2023-yilda esa 2 foizga qisqarishini prognoz qilinmoqda. Agentlik Rossiya hukumatidan qurilishni qo‘llab-quvvatlash bo‘yicha ba’zi choralarni qisqartirishini kutmoqda.
Morgan Stanley iqtisodchilarining fikricha, Rossiya iqtisodiyoti zamonaviy texnologiyalarni eskirgan texnologiyalar bilan almashtirish bilan majburiy transformatsiyani boshdan kechirmoqda, bu uzoq davom etadigan retsessiyaga olib keladi va potensial o‘sishni pasaytiradi.
Shuningdek, Rossiyaning energetika sektori va ishlab chiqarish sanoati sanksiyalar ta’sirida qisqarishda davom etadi. Subsidiya kabi ichki talabni rag‘batlantirishning ba’zi vositalari tez orada tugaydi.
“Rosstat” joriy yilning uchinchi choragida YIMning pasayishini 4 foizga baholadi. Rossiya Iqtisodiyot vazirligi avvalroq uchinchi chorakda YIM 4,4 foizga tushishini prognoz qilgan edi.
Izoh (0)