Visa халқаро тўлов тизими 13 ноябрь, якшанба куни FTX криптовалюта биржаси билан ҳамкорликда дебет карталарини чиқариш бўйича шартномалар бекор қилинганини эълон қилди. Бу ҳақда «Коммерсантъ» хабар бермоқда.
Қарор биржанинг банкротлиги эълон қилинганидан ва крипто биржаси рўйхатдан ўтган АҚШ ҳамда Багама ороллари қимматли қоғозлар комиссияси томонидан компанияга қарши текширувлар бошланганидан кейин қабул қилинди.
FTX билан боғлиқ вазият ачинарли ва биз воқеалар ривожини диққат билан кузатиб борамиз. FTX билан глобал келишувларимизни бекор қилдик ва АҚШ дебет карталари дастури улар томонидан босқичма-босқич бекор қилинмоқда, — деди Visa вакили.
FTX 11 ноябрь куни банкротлик тўғрисида ариза берганди. Компаниянинг Twitter саҳифасида эълон қилинган баёнотида FTX Group бош директори Сем Банкмен Фрид истеъфога чиққани ҳам эълон қилинган. Унинг ўрнини бу лавозимда Жон Рей III эгаллайди.
Аввалроқ FTX криптобиржаси атрофида ликвидлик муаммолари туфайли можаро келиб чиққанди. Бунинг ортидан биткоин 15,6 минг долларгача пасайиб кетган.
Мавзуга доир: FTX крипто биржасидан 2 миллиард долларга яқин мижозлар маблағи йўқолгани маълум бўлди
Изоҳ (0)