FTX крипто биржасидан 2 миллиард долларга яқин мижозлар маблағи йўқолгани маълум бўлди
FTX крипто биржасининг асосчиси Сем Банкман-Фриэд Alameda Research савдо компаниясига 10 миллиард долларлик мижоз маблағларини яширинча ўтказди. Уларнинг 2 миллиард долларга яқини йўқолган. Бу ҳақда «Коммерсантъ» хабар берди.
Агентлик маълумотларига кўра, Банкман-Фриэд Alameda Research компаниясига ўтказилган маблағлардан 1,7 миллиард долларга яқини йўқолган. Агентликнинг яна бир манбаси етишмаётган маблағларни 1-2 миллиард долларга баҳолаган.
Reuters хабарига кўра, йўқотиш ўтган якшанба, 6 ноябрь куни аниқланган. Сем Банкмен-Фрид биржа топ-менежерларига зарарни акс эттирувчи молиявий ҳисоботларни тақдим этди. Ҳисоботларда етишмаётган маблағлар қаерга юборилгани айтилмаган.
Сем Банкмен-Фриэд агентликка берган изоҳида мижозлар маблағларининг йўқолиши ҳақидаги маълумотларга қўшилмаслигини айтди. Унинг сўзларига кўра, биржада нотўғри ҳисобланган «чалкаш ички белгилар» мавжуд.
Аввалроқ FTX криптобиржаси оператори банкротлик тўғрисида ариза топширгани ҳақида хабар берилганди.
