Багама оролларида рўйхатга олинган FTX криптовалюта биржасининг оператори FTX Group бизнесни қайта ташкил этиш имконини берувчи 11-боб бўйича банкротлик тўғрисида ариза берди. Бу ҳақда «Коммерсантъ» хабар бермоқда.
Компаниянинг Twitter саҳифасида эълон қилинган баёнотида FTX Group бош директори Сем Банкмен Фрид истеъфога чиққани ҳам эълон қилинган. Унинг ўрнини бу лавозимда Жон Рей III эгаллайди.
Аввалроқ FTX криптобиржаси атрофида ликвидлик муаммолари туфайли можаро келиб чиққанди. Бунинг ортидан биткоин 15,6 минг долларгача пасайиб кетган.
FTX криптобиржасининг ўзи бир неча кун ичида 32 миллиард долларлик тузилмадан банкротлик ёқасига келиб қолди.
11 ноябрь куни Багама ороллари қимматли қоғозлар комиссияси FTX операторининг активларини музлатиб қўйди ва буни активларни сақлаб қолиш ҳамда биржани барқарорлаштириш зарурати билан асослади.
Изоҳ (0)