Buyuk Britaniyada oziq-ovqat fondlari zaxiralari so‘nggi olti oy ichida 320 ming kishi yordam so‘rab murojaat qilgani ortidan tugamoqda. Bu haqda The Independent xabar berdi.
Ma’lum qilinishicha, oxirgi olti oyda yangi murojaatlar soni 2021 yilning shu davriga nisbatan 40 foizga oshgan. Jurnalistlar Britaniya hukumatini Angliyada qashshoqlikda yashovchi barcha bolalarni maktabda bepul ovqatlantirishga chaqirmoqda, sababi ota-onalar bayram paytida oziq-ovqat zaxiralaridan tobora ko‘proq yordam so‘ramoqda. Oziq-ovqat fondlari bu qish og‘ir kechishini e’lon qildi va iste’mol zaxiralari darajasi pasayayotgani haqida ogohlantirdi.
Ta’kidlanishicha, mamlakatda 2022-yil maktabda bepul ovqatlanish huquqiga ega bo‘lgan bolalar soni qariyb 2 millionga yetgan.
Rossiyaning Ukrainaga hujumi boshlanganidan so‘ng G‘arb Moskvaga nisbatan sanksiyalar bosimini kuchaytirdi. Yetkazib berish zanjirlarining uzilishi Yevropa va AQSHda yoqilg‘i va oziq-ovqat narxlarining oshishiga olib keldi. Buyuk Britaniyada yashash narxining oshishi millionlab uy xo‘jaliklariga ta’sir qildi. Britaniyadagi hayvonot bog‘ida hayvonlarni uzoq muddatga uxlatish ham rejalashtirildi.
Izoh (0)