Англиянинг Ёрк шаҳри полицияси Буюк Британия қироли Чарльз III ва унинг рафиқаси қиролича Камилла томон бир нечта тухумни улоқтирган эркакни қўлга олди, деб хабар берди Meduza.
Қироллик жуфтлигининг Ёрк шаҳрига ташрифи чоғида уни кутиб олишга чиққан одамлар ичидан бир эркак қирол ва унинг рафиқасига қарата тухум улоқтирган. Оломон эса эркакнинг бу ҳаракатига жавобан ҳуштак чалиб, «Худо қиролни асрасин», «Уят» деб бақиришга тушган.
Ҳодисанинг видеосига қараганда, қирол ва унинг хотини томон камида тўртта тухум улоқтирилнган. Уларнинг ҳеч бири Чарльз ёки Камиллага тегмаган.
Sky News хабарига кўра, ҳибсга олиш чоғида айбланувчи Буюк Британия «қуллар қони устига қурилган» деб бақирган.
Қироллик жуфтлиги бошқа нарсалар қатори қиролича Елизавета II ҳайкали, унинг вафотидан кейин ўрнатилган биринчи ёдгорликни очиб бериш учун Ёркга йўл олган эди.
Изоҳ (0)