Россиялик иш берувчиларнинг учдан икки қисми (63 фоизи) 2022 йилда ходимларга Янги йил мукофотларини тўлашдан бош тортди, деб ёзади Meduza «Rabota.ru» ва «СберПодбор» хизматлари сўрови натижаларига таяниб. Сўровнома сентябрь ойида Россия бўйлаб 1,1 минг иш берувчи ўртасида ўтказилган.
Сўровномада қатнашган иш берувчиларнинг қолган 37 фоизи қўл остидагиларга Янги йил бонусларини тўлашни режалаштирганликларини айтган: улардан 21 фоизи барча ходимларни, 16 фоизи эса фақат баъзиларига бонус тўлашни кўзда тутган. Ишлаб чиқариш, қишлоқ хўжалиги ва савдо соҳасидаги компаниялар бонусларни тўлаш борасида етакчи бўлиб турибди.
Тадқиқотда қайд этилишича, 2021 йилда иш берувчилар ичида ходимларга бонуслар тўлашни режалаштирмаганлари атиги 35 фоизни ташкил этган. «Бизнинг тадқиқотимизга кўра, жорий йилда ходимларга Янги йил бонусларини тўлашга тайёр бўлган иш берувчилар анча кам, чунки кўпчилик 2022 йилда бюджетни оптималлаштириш ёки қисқартиришларга дуч келмоқда», — деган «Rabota.ru» бош директори ўринбосари Александр Ветерков.
Изоҳ (0)