Испаниялик Twitter фойдаланувчиси сохта хабар тарқатгани учун 15 ойлик қамоқ жазосига ҳукм қилинди, бу мамлакатдаги биринчи шундай ҳукм, деб хабар беради El País.
2019 йилда бир эркак Twitter саҳифасига вояга етмаган мигрантлар томонидан аёлга нисбатан зўравонлик ҳаракати акс этган видеони жойлаштирган. Кейинчалик у тарқатган видеодаги воқеа Испанияда эмас, Хитойда содир бўлгани аниқланган. Терговларга кўра, фойдаланувчи «марокашлик муҳожирларни ёқтирмаган ва қабул қила олмаган».
Суд айбланувчига 15 ойлик қамоқ жазоси беришга қарор қилди. Бундан ташқари, уни 1600 евро жарима кутмоқда.
Айни пайтда ҳукумат худди шундай воқеани кўриб чиқмоқда: Барселона прокуратураси 2019 йил июнь ойида Twitter аккаунтига муҳожир талабаларнинг ўқитувчига нисбатан тажовузкорлиги тасвирланган видеони жойлаштирган аёл учун икки йиллик қамоқ жазосини талаб қилмоқда. Аслида эса видеодаги воқеа Испанияда эмас, Бразилияда содир бўлган.
Изоҳ (0)