Иорданиянинг Амман шаҳрида бокс бўйича эркаклар ва аёллар ўртасидаги Осиё чемпионати давом этмоқда.
9 ноябрь куни аёл боксчилар ярим финал жангларида иштирок этди. -66 кг вазн тоифасида Ўзбекистон шарафини ҳимоя қилаётган Навбаҳор Ҳамидова ярим финалда ҳиндистонлик Боро Анкушитага қарши рингга кўтарилди ва 4:1 ҳисобида ғалаба қозонди.
-75 кг вазн тоифасида вакили Соҳиба Рўзметова финал йўлида филиппинлик Бацядан Ҳергига қарши рингга кўтарилиб, 3:2 ҳисобидаги қийин ғалабага эришди.
Шу тариқа Ҳамидова ва Рўзметова финал йўлланмасига эга бўлди.
Фарзона Фозилова (-48 кг) Қозоғистон вакили Алуа Блкибековага енгилиб, мусобақанинг бронза медалига эга чиқди.
Эркак боксчилар иштирокидаги ярим финал жанглари 10 ноябрь куни бўлиб ўтади. Унда ўн нафар ўзбекистонлик боксчи ўз жангини ўтказади.
Изоҳ (0)