«Манчестер Сити» 2021/22 йилги мавсумнинг молиявий ҳисоботларини тақдим этди.
Инглиз клубининг қайд этишича, ўтган мавсумда рекорд даражадаги даромад ва фойда қайд этилган. «Манчестер Сити»нинг даромади 613 миллион фунтни ташкил этган, фойда эса — 41,7 миллион фунт. Фойда ўтган йилга нисбатан икки баробарга ўсган.
Бунинг асосий сабаби сифатида коронавирус пандемиясидан кейин мухлисларнинг «Etihad» стадионига қайтиши ва тижорий даромадлар ошгани кўрсатилган.
Бундан ташқари «шаҳарликлар» футболчилар трансферидан 67,7 миллион фунт ишлаб олган. Ўтган беш йил ичида «Манчестер Сити» футболчилар сотувидан 250 миллион фунт фойда олган.
«Манчестер Сити» 2021/22 йилги мавсумда Англия Премер Лигасида ғолиб чиққанди.
Изоҳ (0)