Афғонистонда «Толибон»нинг эзгуликни тарғиб қилиш ва иллатларнинг олдини олиш бўйича админстрацияси вакили Марям исмли ўсмир қизни унга турмушга чиқишдан бош тортгани учун ўлдирди. Бу ҳақда Khaama Press ахборот агентлиги хабар бермоқда.
« ‘Толибон’ ҳаракатининг эзгуликни тарғиб қилиш ва иллатларнинг олдини олиш бўйича Балх вилояти Шўлгар туманидаги админстрацияси раҳбари мулла Ясин бир қизни унга турмушга чиқишдан бош тортгани учун ўлдирди», — деди нашр манбаси.
Бу маълумотни «Толибон» ҳукумати вакиллари ҳам тасдиқлаган. Уларнинг таъкидлашича, эркак ҳибсга олинган, у ҳозир қамоқда. Шу билан бирга, Hashte Sabh нашри мулла аллақачон қўйиб юборилгани ҳақида ёзди.
«Толибон» ҳокимиятга келганидан буён Афғонистонда маҳаллий аёлларга нисбатан мунтазам равишда тақиқлар жорий қилинмоқда. Аёлларга юзи очиқ ҳолда ва эркак қариндошининг ҳамроҳлигисиз кўчага чиқиш, шунингдек, муайян лавозимларни эгаллаш, жумладан, оммавий ахборот воситаларида ишлаш тақиқланган.
Изоҳ (0)