Терини нотўғри парвариш қилиш тиқилиб қолган тешикларга, ҳуснбузар ва қора нуқта пайдо бўлишига олиб келиши мумкин. Унинг ҳақиқатга айланишига йўл қўймаслик учун нималарга эътибор бериш керак? «Новий очаг» нашри тери ҳар доим тиниқ ва бенуқсон бўлиши учун қандай хатолардан қочиш кераклиги ҳақидаги маслаҳатлар билан бўлишди.
Нотўғри таркибга эга кремлар
Кўпинча бу озиқлантирувчи кремларнинг айби бўлиб, улар, бир томондан, терини уни витаминлар билан тўйинтиради, бошқа томондан эса тошмаларга сабаб бўлади. Кремнинг қадоқланишини диққат билан ўрганиш тавсия этилади: агар композицияда ланолин асетат (ацетилланган ланолин спирти) ва бутил стеарат (бутил стеарат) бўлса, бу компонентлар тешикларнинг тиқилиб қолишига олиб келиши мумкин.
Табиий ёғлар
Табиий ёғларнинг афзалликлари ҳақида бир неча бор гапирилган, лекин баъзи ёғлар тери тешикларининг тиқилиб қолишига олиб келиши мумкин. Бу кўпроқ зайтун ва какао мойига тегишли. Шунинг учун косметик аралашмалардан фойдаланиш тавсия этилади — бу маънода улар бутунлай хавфсиздир.
Етарлича тозаламаслик
Макияжни фақат сув, кўпик ёки гел билан ювиш кўпинча етарли бўлмайди. Косметика қолдиқлари шунчаки кўз билан кўринмайди, лекин жуда тез орада қора нуқта, ҳуснбузар кўринишида ташқарига чиқиши мумкин. Шунинг учун аввал илиқ сув ва тозалаш воситасида, кейин қолдиқларни мицеляр сув билан тозалаш керак.
Тональ крем
Қуюқ тонал кремлар терининг нафас олишига имкон бермайди ва тешикларнинг тиқилиб қолишига олиб келади. Агар терида ҳунсбузар бўлса, уни тональ крем билан ниқобламаслик керак — бу вазиятни янада оғирлаштиради. Ҳуснбузарларни косметик воситалар билан яширишдан кўра, уни бартараф этиш усулларини синаб кўриш лозим.
Нотўғри овқатланиш
Нотўғри овқатланиш нафақат вазнга, балки терига ҳам зарар етказади. Ёғ безларининг ишини аччиқ ва ёғли овқатлар, ширинлик ва бошқа егуликлар орттиради. Албатта, ҳамма нарсадан чекланиш — бу муваффақиятсизликка учраган ташаббус, лекин тери гўзаллиги учун кўпроқ сабзавот истеъмол қилиш, кўп миқдорда оддий сув ичиш ва тўғри овқатланиш қоидаларига амал қилиш зарур.
Организмда рух танқислиги
Комедонларнинг яна бир кенг тарқалган сабаби организмга рух моддасининг етишмаслигидир. Бу элемент нафақат терининг, балки соч ва тирноқларнинг ҳам гўзаллиги учун жуда муҳимдир — у гормонлар мувозанатини, иммунитет кўрсаткичларини ва ҳужайра бўлинишининг нормал тезлигини тартибга солади. Рухнинг етишмаслиги ҳам ёғ безларининг нотўғри ишлашига олиб келади.
B5 витаминининг етишмаслиги
Тери тошмаси ва тиқилиб қолган тешиклар пайдо бўлишининг яна бир ички сабаби B5 витамини етишмаслигидир. Шунинг учун рационни витаминга бой маҳсулотлар билан бойитиш лозим.
Ҳаддан ташқари кўп тозалаш
Терини тез-тез пилинг ва тозалаш ёғ безларини тери жуда қуришига олиб келиши мумкин. Ёғ безлари меъёрда ишлаши учун терини, аксинча, кўпроқ намлаш керак ва скрабларни ҳафтада 1-2 мартадан кўп бўлмаган ҳолда ишлатиш лозим. Айтганча, худди шу нарса салицил кислотасини ўз ичига олган лосионларига ҳам тегишли — улар терини тозалаш ўрнига тескари таъсир кўрсатиши мумкин.
Стресс
Барча касалликлар асабийликдан келиб чиқади. Тешикларнинг тиқилиб қолиши ҳам кучли стресс ва тананинг умумий нотўғри ишлаши натижасида юзага келиши мумкин. Шунинг учун срессга тушмаслик ва ҳотиржамликни сақлаш тавсия этилади.
Изоҳ (0)