Бугунги кунда мукаммал образ яратиш муҳим аҳамиятга эга. Шунингдек, дўстлар билан учрашув, расмий йиғилишлар ёки кечки зиёфат учун кийиниш маданиятининг ўзига хос қоидалари бор. Кундан кунга янгиланиб бораётган мода олами эса ҳар бир аёлни ўзига жалб этиши табиий. Лекин айрим белгилар уларнинг урфдан қолганини яққол намоён этиб қўяди. «Новий очаг» нашри модадан ортда қолмаслик учун билиб қўйиш керак бўлган 5 та муҳим жиҳат ҳақда сўз юритди.
Декоратив кўзлар
2000 йилларда соч, тиш ва, албатта, тирноқларга ялтироқ кўзлар ёпиштириш урфга кирган. Кейин улар қанчалик кўп бўлса, шунча замонавий кўрсатди. Бугунги кунда эса ҳамма нарса бошқача: табиийлик ва минимализм модада. Тирноқларга безак бериш учун ундан кўп фойдаланишмайди. Аксар ҳолларда битта тирноққа жуда нафис кўзлардан қўллаш мумкин.
Улама кирпиклар — 3D
Улама киприклар энг сўнгги тенденциядир. Асосийси, ҳаддан ошиб кетмаслик. Аёллар бугунда қўғирчоқларникидек қалин киприкларга мурожаат этмаслиги лозим. Бунинг ўрнига сийрак киприклардан фойдаланиш иложи борича табиий кўриниш билан таъминлайди. Ёки ўз киприкларини ламинатлаш ҳам образни янада гўзаллаштиради.
Лаблар
Яқиндагина лабларнинг ҳажмини катталашириш урф бўлган эди. Аммо бугун аёллар лабининг табиий контурини тиклашга ҳаракат қилмоқда. Уларни жозибали кўрсатиш учун гиалурон кислотасига мурожаат этади. Доза жуда кам бўлиши керак, шундагина лаблар табиий кўринишини йўқотмайди.
Улама тинроқлар
Бу ерда ҳам асосий масала табиийликда. Узун ва мураккаб нақшли тирноқлар бугун ҳаммани эътиборини тортиши мумкин. Лекин бу замонавийликдан дарак бермайди. Табиийлик ва оддийлик ҳамиша урфда. Бироз тўртбурчак шакл ҳамда нафис безаклар модага кирган.
Улама сочлар
Улама сочларни бугунги кунда мутахассислар ҳам тавсия бермайди. Чунки қисқа бўлса ҳам табиий сочларга етадигани йўқ. Қолаверса, сочларнинг тезроқ ўсиши учун турли хил ниқоб ва муолажалардан ҳам фойдаланиш мумкин. Улама сочлар эса табиий сочларга ҳам зарар келтиргани туфайли ундан фойдаланмаган маъқул.
Изоҳ (0)