Тери ва сочлар саломатлиги учун зайтун мойидан тайёрланадиган 5 хил ниқоб

Ёрқин тери, қалин киприклар ва силлиқ, ялтироқ сочлар учун зайтун мойи энг яхши восита ҳисобланади. Marie Claire нашри зайтун мойидан уй шароитида тайёрлаш мумкин бўлган ниқоблар рецептини тақдим этди.

Зайтун мойи таркибида антиоксидант, сквален ва олейн кислота мавжуд бўлиб, улар терини намлайди ва атроф-муҳит таъсиридан ҳимоя қилади. Зайтун мойи ёғ кислоталари ва А, Д, Э, К витаминларига бой бўлиб, улар терини озиқлантиради ва юз рангини яхшилайди. Қолаверса, зайтун мойи яллиғланишга қарши хусусиятларга эга ва тирнаш хусусияти эга терини тинчлантиради.

Италиялик зайтун мойи ишлаб чиқарувчи мутахассислар унинг хусусиятларидан гўзаллик борасида қандай фойдаланишни маълум қилди. Зайтун мойи қўшиб, уй шароитида ниқоб тайёрлаш осон, бунинг учун аввал керакли рецепт танланади.

Намлантирувчи юз ниқоби

Керакли маҳсулотлар:

• янги авокадо пюреси — 2 ош қошиқ;
• зайтун ёғи — 1 ош қошиқ.

Авокадо пюреси зайтун мойи билан аралаштирилади, аралашма тозаланган терига қўлланади. Ниқоб 15 дақиқага қолдирилади, кейин сув билан ювиб ташланади. Ниқоб қуруқ ва таъсирчан терига мос келади, айниқса, ундан куз-қиш даврида фойдаланиш жуда ҳам фойдали. Ушбу ниқобни бир ой давомида ҳафтада икки марта қўллаш тавсия этилади.

Қош ва киприкларни қалинлаштирувчи ниқоб

Керакли маҳсулотлар:

• петрушка
• зайтун ёғи — 1 ош қошиқ.

Петрушка блендерда майдаланади, зайтун мойи қўшиб, аралаштирилади. Ниқоб кўз қовоқлари ва киприкларга қўлланади. 5-10 дақиқадан сўнг сув билан ювиб ташланади. Зайтун мойи соч фолликулаларининг чуқур озиқлантириши туфайли уларни ўстиршга ёрдам беради. Ушбу ниқобни ҳафтада бир марта қўллаш мумкин.

Сочлар жилокорлиги учун ниқоб

Керакли маҳсулотлар:

• зайтун мойи — 3 ош қошиқ;
• асал — 1 ош қошиқ;
• тухум сариғи — 1 дона.

Барча маҳсулотлар аралаштирилади, ниқоб қуруқ сочлар илдизига қўлланади ва толалар устига ёйилади. Бошга махсус шапка кийилиб, устидан сочиқ ўралалди. Ниқоб сочларда бир соат ушлаб турилади, кейин шампунь билан ювилади. Икки ой давомида ҳафтада бир марта ушбу процедурани бажарилади.

Зайтун мойидан тер учун скраб

Керакли маҳсулотлар:

• зайтун мойи — 2 ош қошиқ;
• шакар қамиш — 4 ош қошиқ;
• эфир мойи — 2 томчи
• майдаланган қаҳва — 2 ош қошиқ.

Тенг миқдорда шакар қамиш зайтун мойи билан аралаштирилади, бир неча томчи эфир мойи ва майдаланган қаҳва қўшилади. Душ қабул қилишда скрабдан фойдаланиш мумкин: аралашма нам, тоза танага суртилади ва массаж ҳаракатлари билан тахминан 10 дақиқа давомида ишқаланади. Сўнгра тери илиқ сув билан ювилади.

Оёқ учун ёғ-ниқоб

Ётишдан олдин оёқ териси зайтун мойи билан ёғланади ва пахта пайпоқлар кийилади. Бу билан тун давомида оёқлар нафақат дам олади, балки керакли даражада озиқланади.