Ўзбекистонда йил бошидан бери бюджетга қанча солиқ тушумлари келиб тушгани маълум қилинди

Ўзбекистонда январь—октябрь ойларида бюджетга 123,8 трлн сўм солиқ тушумлари келиб тушган. Бу ҳақда Давлат солиқ қўмитаси хабар бермоқда.  

Мазкур кўрсаткич ўтган йилнинг мос даврига нисбатан 18,4 трлн сўмга кўпайган. Ҳудудий давлат солиқ бошқармаларида эса тушумларнинг ўсиши 33 фоизга етгани қайд этилди. 

Шунингдек, айланмадан олинадиган солиқ тушумлари ўтган йилнинг мос даврига нисбатан 140 фоиз, ҚҚС 133 фоиз ва фойда солиғи тушумлари (Навоий ва Олмалиқ КМКларидан ташқари) 156 фоизга ўсгани қайд этилган. 

Бундан ташқари 4 ноябрь куни йўл қўйган жиддий хато камчиликлари учун Фарғона, Қашқадарё, Тошкент вилояти ва Қорақалпоғистон Республикаси Давлат солиқ бошқармаларининг 4 нафар масъуллари махсус унвонларидан маҳрум этилган.

Аввалроқ UzAuto Motors йил бошидан бери 358 миллиард сўм солиқ тўлагани ҳақида хабар берилган эди.