АҚШ Федерал резерв тизими кетма-кет тўртинчи марта базавий ставкани 0,75 фоизга оширди

АҚШ Федерал резерв тизими (Фед) базавий фоиз ставкасини кетма-кет тўртинчи марта 0,75 фоизга кўтариб, йиллик 3,75-4 фоизгача оширди. Бу ҳақда Фед хабарида айтилади.

Энди АҚШдаги фоиз ставкаси 2008 йилги молиявий инқироздан бери энг юқори даражага етди. Бу Федънинг 1980 йиллардан бери пул-кредит сиёсатининг энг агрессив қаттиқлашувидир.

Таъкидланишича, қарор Фед томонидан максимал бандлик ва пастроқ инфляция мақсадига эришиш учун қабул қилинган.

Инфляцияни 2 фоизгача тушириш учун Фед ўзининг Ғазначилик ва ипотека билан таъминланган қимматли қоғозларни қўшиш сиёсатини давом эттиради.

Маълум бўлишича, 2 ноябрь куни эрта тонгда АҚШ конгрессидаги демократлар Фед раиси Жером Пауэллга мактуб йўллаган.

Демократлар базавий фоиз ставкасининг «хавфли» ўсишини танқид қилган. Уларнинг фикрича, бу катта иш ўринларини йўқотишга олиб келиши мумкин.

Охирги марта Фед 21 сентябрда ҳам ставкани 0,75 фоизга оширган эди.